2024-11-25
Close
2024-11-25
अप्पन जनकपुर
काठमाडौं । उपप्रधान तथा गृहमन्त्री नारायणकाजी श्रेष्ठ प्रेस चौतारी नेपालका अध्यक्ष गणेश बस्नेत विरुद्ध साइबर ब्यूरोमा दिएको उजुरी फिर्ता दिएका छन् । गहृमन्त्री श्रेष्ठको आदेशमा चौतारीका अध्यक्ष बस्नेत विरुद्ध साइबर ब्यूरोमा ठाडो उजुरी परेको थियो ।
अध्यक्ष बस्नेतलाई साइबर क्राइममा फाउन लागेको भन्दौ प्रेस चौतारीको देशभरका शाखा तथा अन्य पत्रकारका संघ/संगठनबाट चर्को विरोध भएको थियो । तर, अध्यक्ष बस्नेतलाई फेसबुकमा अभिव्यक्ति दिएकै कारण दर्ता भएको उजुरी शनिवार मन्त्री श्रेष्ठले फिर्ता लिएका हुन् ।
बस्नेत विरुद्धको उजुरी प्रति देशभरबाट क्रियाशिल पत्रकारहरुको संघ/संस्थाहरुले चर्को विरोध जनाए थिए । देशभरबाट चौतर्फी दबाब सृजनाभएपछि गहृमन्त्री श्रेष्ठ पछि हटेका हुन् । शनिबार बिहान अध्यक्ष बस्नेतसहितको टोलीलाई मन्त्रीले श्रेष्ठले बोलाएर छलफल भएको थियो । गृहमन्त्री श्रेष्ठ र अध्यक्ष बस्नेतबीच अहिलेसम्मको असहमतिको अन्त्य गर्ने सहमति भएको हो ।
सो सहमतिपछि प्रेस चौतारीले तय गरेको सम्पूर्ण आन्दोलनको कार्यक्रम स्थगित भएको प्रेस चौतारी नेपालका केन्द्रीय सचिव विष्णु तारुकेले बताए । प्रेस चौतारी बागमती प्रदेश इन्चार्ज समेत रहेका तारुकेले भने,– ‘हाम्रो अध्यक्ष विरुद्ध गृहमन्त्रीले साइबर ब्यूरोमा दिएको उजुरी फिर्ता लिनुभएको छ । अहिलेसम्म भएका असहमतिको अन्त्य गर्ने निचोड आएको छ । हाल हामीले तय गरेका आन्दोलनका सबै कार्यक्रमहरु स्थगित भएका छन् ।’
