2025-01-22
Close
2025-01-22
काठमाडौं । नेकपा एमालेका अध्यक्ष केपी शर्मा ओलीले सुन तस्करी प्रकरणमा आफूहरुले सत्यतथ्य बोल्छ भनेर सदनमा सत्ता पक्षले बोल्न नदिएको बताउनु भएको छ ।
नेपाली कलासाहित्य डट कम प्रतिष्ठाले आयोजना गरेको महाकवी बिद्यापतिकृत कथासंग्रह पुरुष–परीक्षा मुल संस्कृतीको नेपाली संस्करणको लोकार्पण समारोहमा बोल्दै अध्यक्ष ओलीले यस्तो बताउनु भएको हो ।
‘सुन तस्करी प्रकरणमा प्रतिपक्षले सत्य बोल्छ भनेर सत्ता पक्ष सदनमा बोल्न दिँदैन । उठेर विरोध गरिहाल्छ । यसको जरासम्म पुग्नुपर्छ । यसले अन्तर्राष्ट्रिय सम्बन्ध बिगार्ने भइसक्यो । भारतले गम्भीर ढंगले प्रश्न गरिरहेको छ, ओलीले भन्नुभयो,‘अर्थतन्त्र यस्तो भइसक्यो । सुन तस्करी गर्ने–गराउने आफूहरु, अनि कसैलाई छाड्दिनँ भनेर फाईंफुईं गर्ने ?’
उहाँले सांसद सुनिल शर्मालाई पक्राउ गरेकोमा पनि सरकारको आलोचना गर्नुभयो । ‘सुनिल शर्माले दुई दिनमा नक्कली प्रमाणपत्र बनाएको हो ? गृहमन्त्री र अर्थमन्त्रीको आलोचना गर्नेबित्तिकै हतकडी ? दुई दिन बोलेपछि किन पक्राउ गर्नुपर्ने ?, ओलीले भन्नुभयो,‘अब कोही बोल त, सुनिल शर्मा बनाइदिन्छन् । अब त एउटा निवेदन कुखुरा चोरेको भनेर निवेदन हाल्दिन्छ, हतकडी लगाएर लान्छ सांसदलाई । दुई महिना, ६ महिनापछि अब बोल्दिनँ बाबा भनेपछि होइन रहेछ भनेर छाड्दिन्छ ।’
उहाँले बर्तमान सरकार अत्यन्तै गलत बाटोमा गएको र मुलुक बर्वाद पार्न उद्धत रहेको पनि बताउनु भयो । अध्यक्ष ओलीले सत्तारुढ कांग्रेसका महामन्त्री बिश्वप्रकाश शर्मातिर हेर्दै यस्तो प्रश्न राख्नुभएको थियो । न्युज जनता टाइम्सबाट
