2024-12-26
Close
2024-12-26
बीरगंज 12असोज पर्सा प्रहरीले प्रतिबन्धित लागूऔषध गाँजा सहित २ जनालाई पक्राउ गरेको हो।प्रहरीले प्रतिबन्धित लागूऔषध गाँजा सहित बहुदरमाई नगरपालिका वडा नम्बर ९ बस्ने लोटन राउत कुर्मी र देवलाला साहलाई नियन्त्रणमा लिएको छ।जिल्ला प्रहरी कार्यालय पर्सा मातहत रहेको प्रहरी चौकी प्रसौनीभट्टाबाट खटिएको प्रहरी टोलीले प्रसौनीभट्टा गाँउ नजिक सडकखण्डमा चेकजाचको क्रममा संकास्पदरुपमा साईकल चलाई गईरहेको दुवैजनालाई रोकी चेकजाँच गर्दा टेपले बाँधेको कालो रङ्गको पोलोथिनको ४ वटा पोकामा १/१ किलोको दरले ४ किलो लागुऔषध गाँजा सहित दुवैजनालाई नियन्त्रणमा लिएको जिल्ला प्रहरी कार्यालय पर्साका प्रमुख प्रहरी उपरिक्षक कोमल शाहले जानकारी दिएका छन् ।लागूऔषध गाँजासहित पक्राउ परेका दुवैजनालाई थप आवश्यक कार्यवाहीको लागी ईलाका प्रहरी कार्यालय पोखरीया पर्सामा राखेर थप अनुसन्धान भईरहेको पर्सा प्रहरी प्रमुख शाहले बताउनुभयो ।
