2024-12-26
Close
2024-12-26
जनकपुरधाम । धनुषा र सिरहा जोड्ने कमला पूल भाँसिदा सिरहा नगरपालिका वडा नं. ६ बसबिट्टाको केही स्थानीयले यसलाई कमाउ धन्दाको रुपमा बनाए ।
भाँसिएको कमला पुलमा बाँसको अस्थायी पुल बनाएर महिनौँसम्म लाखौँ रुपैयाँ कमाए । सार्वजनिक पूलमा बाँस जोडेर नीजी बनाउँदै प्रति व्यक्ति ५० रुपैयाँदेखि १०० रुपैयाँसम्म असुलेका बसबिट्टाका राम सेवक दास र अशोक मुखियालाई मोटो रुपैयाँ कमाउने लालचमा यतिसम्म गिरे की अहिले मृत्यूको धन्दा सुरु गरिरहेका छन् ।
केही महिना अगाडी सिरहा नगरपालिकाले आफ्नो लगानीमा भत्केकै कमला पूलमा सर्वसाधारणहरुलाई आवतजावतको लागि निःशुल्क पूल निर्माण गरे । हुनतः अस्थायी पूल नै जीवनसँग जोखिम मोलेर पार गर्नुपर्ने बाध्यता भएको अवस्थामा कमसेकम आवतजावतको लागि रकम नतिर्नुपर्ने जति बनाएर सहयोग गरे ।
सिरहा नगरपालिकाले निःशुल्क आवतजावतको लागि बनाईदिएको अस्थायी पूलमा पनि बसबिट्टा निवासी राम सेवक दास र अशोक मुखियासहित सोही गाउँका केही गजेडीहरुले तानाशाह रुपमा बल जबरदस्ती रकम असुल्न छाडेनन् । अशोक मुखिया अस्थायी पूलका मुख्य मुखिया हुन् ।
सिरहा नगरपालिकाले एक रुपैयाँ पनि तिर्नु नपर्ने भनेर बनाईदिएको निःशुल्क पूलमा जानकारी अभाव भएका व्यक्तिहरुसँग आवतजावतको लागि २० देखि ५० रुपैयाँसम्म असुल्यो । सो अनुसार उनीहरुले दैनिक १५ देखि २० हजार रुपैयाँसम्म असुले ।
लालचको भोक नमेटिएपछि बसबिट्टा बस्ने राम सेवक दास र अशोक मुखियासहित उनका आसेपासे युवकहरुले नगरपालिकाले बनाइदिएको निःशुल्क पुललाई रातारात भत्काईदिए । नगरपालिकाको पूल भत्काएर बाध्यात्मक स्थिति सृजना गरी कमला पूलभन्दा दक्षिण अशोक मुखिया र रामसेवक दासले दुईटा पूल बनाए ।
रुपैयाँको लोभ लालचले मातिएका दुवै जनाले एउटै पूलबाट आवतजावत गर्न सक्ने भएपनि दुवै जनालई दुईटा पूल बनाए । एउटाबाट आउने र अर्कोबाट जाने गरी दुई पूल निर्माण गरी अहिले ५० रुपैयाँदेखि १०० रुपैयाँसम्म लिने गरेका छन् । नगरपालिकाको पूल भत्काएर आफ्नो पूलबाट आवतजावत गरोस् भन्ने उदेश्यले उनीहरु ज्यानको सौदा गर्नबाट पनि पछि हटेनन् । उनीहरुले नै उजाडेको अस्थायी पूलबाट खसेर मँगलबार एक युवक गम्भिर घाईते बने । उनको उपचार विराटनगरमा भईरहेको छ । 
सार्वजनिक ठाउँमा पूल बनाएर अहिलेसम्म उनीहरुले करोडभन्दा अधिक रुपैयाँ आर्जन गरेपनि उनीहरुको लोभ र लालचको कारण ज्यान अझै जोखिममा परेको छ । उनीहरुले पटक पटक निःशुल्क पूललाई रातराती भत्काएर सोही पूलको वस्तुले आफ्नो नीजि पूल निर्माण गरी आवतजावत गर्ने सर्वसाधारणलाई ५० रुपैयाँदेखि १०० रुपैयाँसम्म असुल्ने गरेका छन् ।
उनीहरुले कमलामै अस्थायी टहरा बनाएर रातभरि बस्ने गरेका छन् । ईमरजेन्सीको बेला समेत उनीहरुले रातीमा रकम नदिए जान नदिने बाध्यात्मक स्थिति सृजना गरी गरिब, निमुखालाई हुलहुज्जत समेत गरी जान दिने गरेका छन् । साथमा पैसा नभएको बटुवालाई जान नदिने, जान दिएपनि हुलहुज्जत गर्ने कार्य राम सेवक दास र मोहन दासले गरिरहेका छन् ।
यसप्रति सिरहा नगर प्रहरीले खासै ध्यान दिएका छैनन् । केही महिना अगाडी सिरहा नगरपालिकाका मेयर डा. नविन कुमार यादवले स्टन्टबाजी गरेपनि नियमित निगरानी नगर्दा यस्तो स्थिति सिर्जना भएको बताईन्छ ।
