2024-12-26
Close
2024-12-26
अप्पन जनकपुर
जनकपुरधाम । जनकपुर जेसिजको लागि कार्यकारिणी उपाध्यक्ष पदका उम्मेदवार रजनिश साहले जनकपुर जेसिजलाई नयाँ ट्रयाकमा ल्याउन आफू उम्मेदवारी दिएको बताएका छन् ।
जेसिज बर्ष २०२४ को लागि भोली शुक्रबार हुने अधिवेशनको क्रममा जनकपुर जेसिजको कार्यकारिणी उपाध्यक्ष पदमा उम्मेदवारी दिएका उनले जेसिज जस्तो मर्यादित र प्रतिष्ठित सँस्थालाई नयाँ आयाम थप्ने उदेश्यले आफ्नो उम्मेदवारी रहेको बताएका छन् ।
जगत जननी सीताको भूमि जनकपुरधामलाई विभिन्न दृष्टिकोणबाट पहिचान मेटिदै गएको अवस्थामा जेसिज जस्तो सँस्था मार्फत समेत जनकपुरधामको मर्यादालाई पुरानो लयमा फर्काउनको लागि युवाहरुको सहभागीता अनिवार्यतालाई मध्यनजर गर्दै उम्मेदवारी दिएको बताए ।
उनले जनकपुरधामलाई धार्मिक नगरी भनिएपनि औचित्य खारेज जस्तो भएको अवस्थामा यहाँका व्यावसायी, युवाहरु, विद्यार्थी, राजनीतिक दलका नेताहरुसँग समन्वयकारी भूमिका निर्वाहको लागि चाहिने भिजन आफू बोकेर उम्मेदवारी दिएको बताए । उम्मेदवार साहले नयाँ युवाहरुको हातमा कमान आएपछि जेसिजको मर्यादामा थप तारा थपिने बताए ।
