2024-12-26
Close
2024-12-26
नरेशचन्द्र बरबरिया, सिरहा । सिरहामा नगर स्तरीय गायन प्रतियोगिता सिरहाली आयडलको बिधिवत उद्घाटन भएको छ । सलहेश कला मन्दिर सिरहाको आयोजना र सिरहा नगरपालिकाको मुख्य सहयोगमा शनिवार सिरहा नगरपालिकाका नगर प्रमुख डा. नवीन कुमार यादवले उद्घाटन गरेका हुन ।
सिरहाको चन्द्र उच्च माध्यमिक विद्यालयको प्राङ्गणमा एक कार्यक्रम बिच सिरहाली आयडलको उद्घाटन भएको हो ।
सिरहा नगरपालिकाका नगर प्रमुख यादवले सिरहा नगरपालिका भित्र रहेका १ देखि २२ वटै वडा बाट ईकछुक व्यक्तिहरु सिरहाली आयडलमा भाग लिन पाउने छन । नगरभित्र दबिएका कलाकारहरुलाई एउटा स्थान प्रदान गरिएको र १५ गते भित्र अडिसनमा सहभागी हुन यादवले आग्रह गरेका छन ।
सिरहा नगरपालिकामा छिट्टै प्रदेश र जिल्ला स्तरीय गायन प्रतियोगिता कार्यक्रम हुने यादवले बताए ।
सिरहा नगरपालिकामा कला साँस्कृतिक बिकास, सम्वर्धन प्रवर्धनक संगै गीत-संगीत, नृत्यकला एवम् अभिनय संग जुडेको कलाकारको पुर्नस्थापना हुने सलहेश कला मन्दिरका अध्यक्ष प्रकाश दास मानसले बताएका छन ।
उक्त कार्यक्रममा सिरहा नगरपालिकाका उप-प्रमुख बबिता साह, नेता आशा यादव, मधेश प्रदेशका स्काउटका अध्यक्ष दिनेश यादव, सिरहा नगरपालिका वडा न.६ का वडा अध्यक्ष ईन्द्रजित यादव, लगायत बुद्धिजीवी राजनितिकर्मी, पत्रकार शिक्षक, अभिभावक, विद्यार्थी, समाजसेवी, किसान व्यापारी, कलाकार लगायतको सहभागी रहेको थियो ।
