2024-12-26
Close
2024-12-26
वीरगन्ज २२ मंगलबार
जिल्ला प्रहरी कार्यालय बैतडीले भन्सार छलिका अवैध सामानहरु सहित एकजनालाई पक्राउ गरेको छ।भन्सार छलिको सामनाहरु सहित बझाङका पुष्कर बहादुर बोहरालाई नियन्त्रणमा लिएको हो।जिल्ला प्रहरी कार्यालय बैतडीका मातहत रहेका खोचलेक प्रहरीचौकी बाट खटिएको प्रहरीले सोमबार राति सतबाँझ–गोकुलेश्वर सडकखण्ड अन्तर्गत चेकजाँच गर्ने क्रममा से १ ज ७१८ नम्बर जिप रोकी चेकजाँच गर्दा भन्सार छलिको सामानहरु सहित गाडीलाई पक्राउ गरेको जिल्ला प्रहरी कार्यालय बैतडीका प्रमुख एवम प्रहरी नायब उपरीक्षक दिपक गिरीले जानकारी दिए ।प्रहरीले चप्पल, बिँडी लगायतका २ लाख ५७ हजार ४ सय रुपैयाँ मूल्य बराबरका भन्सार छलीका सामग्री र ती सामग्री ओसारपोसारमा प्रयोग गरिएको जिपसहित नियन्त्रणमा लिएको प्रहरी नायब उपरीक्षक गिरीले बताए । भन्सार छलीका सामग्री, जिप र जिप चालक बोहरालाई आवश्यक कारवाहीका लागि महाकाली भन्सार कार्यालय झुलाघाटमा पठाइएको प्रहरी नायब उपरीक्षक गिरीले बताए ।
