2024-12-26
Close
2024-12-26
जनकपुरधाम । धनुषाको शहीदनगर नगरपालिकामा करारमा जागिर लगाइदिने भन्दै आवेदकसँग रुपैयाँ ठगेकी उपमेयर सुनिता कुमारी सिंहले रुपैयाँ फिर्ता गर्ने मौखिक सहमति गरेकी छिन् । अहेब र कार्यालय सहयोगीमा आवेदन दिएका दुईजना आवेदकको आभिवाकसँग उमेयर सिंहले रुपैयाँ लिएकी छिन् ।
अहेबमा आवेदन दिएकी अभिभावकसँग १ लाख ४० हजार र कार्यालय सहयोगीका आवेदकसँग उपमेयर सिंहले ९० हजार अग्रिम घूस लिएपनि जागिरमा नियुक्ति नदिएपछि उनीहरुले आफूले दिएको रुपैयाँ फिर्ता माग्दै आएका थिए । तर उपमेयर सिंहले रुपैयाँ फिर्ता दिनुको सट्टा जागिरनै लगाइदिने भन्दै अश्वासन दिँदै आएकी थिइन् ।
केहिदिन अघि आवेदक र उपमेयरबीच कारार जागिरको नाममा रुपैयाँ लेनदेन भएको विषयमा संञ्चारमाध्यमा समाचार प्रकाशन भएपछि उपमेयर सिंहले रुपैयाँ नै फिर्ता दिने मौखिक सहमति गरेको पीडितले बताए ।
नगरपालिकाले चारजना अहेब र १३ जना कार्यालय सहयोगीका लागि २०७९ भादौ १९ मा विज्ञापन गरेको थियो । उक्त विज्ञापनमा शहीदनागर नगरपालिका–४ ननुपट्टीका एकजा अहेब र अर्का एक कार्यालय सहयोगीमा आवेदन दिएकी थिइन् ।
आवेदक दुबैजना नेपाली कांग्रेस समर्थक र उपमेयर सिंह पनि कांग्रेसबाटै निर्वाचित भएको हुँदा आवेदकका अभिभावकले जागिरका लगाइदिन गुहार गरेका थिए । तर उपमेयरले जागिर लगाइदिने वापत अहेबका ढेड लाख र कार्यालय सहयोगीका ९० हजार दिनुपर्ने सर्त राखेकी थिइन् ।
अहिले नगरपालिका प्रमुख प्रशासकीय अधिकृतबिहीन भएको हुनाले नयाँ अधिकृत आएपछि जागिर लगाईदिने आश्वासन दिएपनि उनीहरु रुपैयाँ दिएको एक वर्ष भन्दा बढी भएको कारण ब्याजसहित रुपैयाँ फिर्ता मागेका छन् । उपमेयर सिंहले पनि जेष्ठसम्म ब्याजसहित रुपैयाँ दिने सहमत भएको पीडितले बताए । उनीहरुले ब्याजसहित रुपैयाँ फिर्ता नदिए उपमेयर सिंहले चढ्ने गाडी खोसेर पनि असुलउपर गर्न योजना बनाएका छन् ।
आफ्नो नाम नछाप्ने सर्तमा पीडितमध्ये एकले उपमेयर सिंहलाई ढेड लाख कबोल गरेपनि एक लाख ४० हजार घरमै पुगेर बुझाएको बताए । उनका अनुसार जागिरको गर्न लमी बनेका एकअर्का व्यक्तिले समेत आफ्नी बुहारीलाई कार्यालय सहयोगीमा जागिर लगाउन ९० हजार रुपैयँ उपमेयर सिंहलाई बुझाएका छन् ।
शहीदनगर नगरपालिका प्रमुखमा जसपा नेपाल दिनेशप्रसाद यादव निर्वाचित भएका छन् भने उपप्रमुखमा कांग्रेसका सुनिता कुमारी सिंह निर्वाचित भएकी छिन् ।
