2024-11-27
Close
2024-11-27
जनकपुरधाम । धनुषाको कमला नगरपालिका ८ सोनापडामा विभिन्न पार्टी परित्याग गरी सयौंको संख्यामा नेताकार्यकर्ताहरु नेकपा एमाले पार्टीमा प्रवेश गरेका छन् ।
शनिबार नेकपा एमाले कमला नगरपालिका ८ सोनापडामा आयोजना गरेको वृहत् पार्टी प्रवेश कार्यक्रममा विभिन्न पार्टीका १ सय भन्दा बढी नेताकार्यकर्ता एमालेमा प्रवेश गरेका छन् ।
नेकपा एकीकृत समाजबादीको नेता राम एकवाल यादवको नेतृत्वमा एक सय भन्दा बढी नेता कार्यकर्ताले एमाले प्रवेश गरेको छ ।
एकीकृत समाजबादी, नेपाली कांग्रेस, जसपाका नेताकार्यकर्ताहरुसहित १ सय भन्दा बढी नेताकार्यकर्ता नेकपा एमाले पार्टीमा प्रवेश गरेको एमालेका कमला नगरपालिका नगर अध्यक्ष दिपेन्द्र यादवले जानकारी दिए ।
नवप्रवेश नेताकार्यकर्ताहरुलाई नेकपा एमालेका केन्द्रिय सदस्य एवं पूर्वमन्त्री उमाशंकर अरगरिया र एमालेका केन्द्रिय सदस्य एवं पालिका इन्चार्ज सबिता यादवले फूलमाला र अबिरको टीका लगाएर पार्टीमा स्वागत गरेका थिए ।
कार्यक्रममा क्षेत्रीय अध्यक्ष जयप्रकाश सुनरैत यादव, प्रदेश सदस्य बैजनाथ मण्डल, मनिकलाल मण्डल, जितनारायण यादव, वडा अध्यक्ष छठु मण्डल, वडा अध्यक्ष तनुकलाल कुशयैत सहित नेताकार्यकर्ताहरुको उपस्थिति रहेको थियो ।
