2024-11-25
Close
2024-11-25
जनकपुरधाम । स्रोत नखुलेको १४ लाख ८० हजार नेपाली रुपैयाँसहित एक भारतीयलाई सशस्त्र प्रहरीले पक्राउ गरेको छ ।
रौतहटको बौधिमाई नगरपालिका ७, बंकुलस्थित सीमा इलाकाबाट आज १४ लाख ८० हजार नेपाली रुपैयाँसहित भारतको पूर्वी चम्पारण जिल्ला मोतिहारी झरोखर ७, जमुनिया बस्ने ३१ वर्षीय भारतीयलाई नियन्त्रणमा लिएको सशस्त्र प्रहरीका डीएसपी शैलेन्द्र थापाले जनाउनुभयो ।
थापाका अनुसार बीआर ०५ बीबी ६२१२ नम्बरको मोटरसाइकलमा भारतबाट नेपाल आउँदै गरेका उनलाई विशेष सूचनाका आधारमा पक्राउ गरिएको हो । उनले मोटरसाइकलको सिटमुनि लुकाएर ल्याउँदै गरेको नेपाली रुपैयाँको स्रोत खुलाउन नसकेपछि नियन्त्रणमा लिइएको हो ।
नियन्त्रणमा लिइएका भारतीय र बरामद रुपैयाँ तथा मोटरसाइकललाई आवश्यक कारबाहीका लागि गौर भन्सार कार्यालय रौतहटमा बुझाइएको छ ।
