2024-11-25
Close
2024-11-25
जनकपुरधाम । नक्कली लाइसेन्स पेश गरेर शिक्षक नियुक्त भएका ब्रहमदेव यादवमाथि भ्रष्टाचार मुद्दा दायर भएको छ ।
धनुषाको गणेशमान चारनाथ नगरपालिका १० बरमझियास्थित स्कूलमा ०६३ सालदेखि निमावि राहत शिक्षक नियुक्त भएका यादवमाथि अख्तियार दुरुपयोग अनुसन्धान आयोगले आज मुद्दा दायर गरेको हो ।
नक्कली स्थायी अध्यापन अनुमतिपत्र (लाइसेन्स) पेश गरी नियुक्ति भई तलव भत्ता खाइरहेको भन्ने उजुरी निवेदन सम्बन्धमा अनुसन्धान हुँदा यादवले शिक्षक सेवा आयोगवाट जारी भएको भनिएको लाइसेन्स झुट्टा तथा नक्कली रहेको पुष्टि भएको आयोगले ठहर गरेको छ ।
हालसम्म कार्यरत रही ओहदा, लाभ र सुविधासमेत प्राप्त गरेको हुँदा यादवलाई भ्रष्टाचार निवारण ऐन अनुसार कैद र जरिवाना सजाय हुन मागदाबी लिई आज विशेष अदालत, काठमाडौंमा आरोप–पत्र दायर गरिएको आयोगले जनाएको छ ।
