जनकपुरधाम । ‘असार २४ मा मसँग समन्वय नगरी अध्यक्षले दबाब र प्रभावमा लेखापालसँग चेक काट्न लगाए । मलाई त चेक बनाउने कोठामा छिर्न पनि दिएनन् । पालिका अध्यक्ष, लेखापाल र कर्मचारीले मेरो फोन पनि उठाएनन् । प्रक्रिया नमिलेको कामको पनि चेक काटिएको छ ।’

यी भनाई हुन् सिरहाको औरही गाउँपालिकाका प्रमुख प्रशासकीय अधिकृत सर्वजीत झाको । उनी असार २८, शुक्रवार कार्यालय आएका थिए । तर एकैछिनमा ‘खाना खाएर आउँछु’ भनेर कार्यालयबाट बाहिरिए । त्यसबारे टुडेखोजले समाचार सम्प्रेशन गरेको थियो ।

समाचार सम्प्रेशन भएपछि आफूसँग समन्वय नगरी चेक काटिएको र जर्वजस्ती चेकमा हस्ताक्षर गराउने सुइँको पाएपछि आफू बहाना बनाएर कार्यालयबाट निस्केको प्रतिक्रिया दिएका थिए । उनको भनाई थियो, ‘कति चेक काटियो ? त्यो पनि थाहा छैन । म कसरी त्यो चेकहरुमा हस्ताक्षर गर्छु ?’

लेखापाल देवेन्द्र यादव सिरहा सदरमुकामस्थित सलहेश मन्दिरको उत्तरपटिट् रहेको वकिल राजेदेव यादवको घरमा डेरा गरी बस्छन् । त्यो कोठामै लेखापालले गाउपालिका अध्यक्ष र केहि कर्मचारी राखेर चेक काटेका थिए । असार २४ गाउँपालिकाको कार्यालय सुनसान थियो ।

अधिकृत झाको अडियो टुडेखोजले सार्वजनिक गरेपछि गाउँपालिका अध्यक्ष शिवजी यादव तनावमा परेका थिए । उनी आज विहानै अधिकृत झालाई फकाउन केहि व्यक्तिलाई लिएर जनकपुरधाम पुगेका थिए ।

झा जनकपुरधाममै बस्छन् । स्रोतका अनुसार उनले जनकपुरधामस्थित आफ्नै कोठाबाटै कार्यालय सञ्चालन गर्छन् । स्रोतका अनुसार कमिशन बाँडफाँडमा कुरा मिलेपछि अधिकृत झा आज औरही आएर चेक बाँडिरहेका छन् ।
औरही अस्पतालको मिटिङ हलमा बसेर उनले चेक बाँडिरहेको एक कर्मचारीले सुनाए । चेक बाँडिरहेको कोठा बाहिर सुरक्षाकर्मी तैनाथ गरिएको छ ।

स्रोतको दावी छ– लेखापालको मात्र हस्ताक्षरयुक्त चेक नसाटिने, फाइलमा टिप्पणी र आदेश सदर गर्ने अधिकार प्रमुख प्रशासकीय अधिकृतको भएको र टिप्पणी सदर नगरी चेक काट्दा लेखापाल पनि कारवाहीमा पर्ने भएपछि उनीहरु बाध्य भएर कमिसन बाँडफाँडको सहमतिमा आउनु परेको थियो ।

स्रोतका अनुसार कर्मचारी र जनप्रतिनिधिका आसपासेलेउपभोक्ता मार्फत भएको काममा १० प्रतिशत र काटेशनमार्फत भएको काममा २० प्रतिशत कमिशन उठाइरहेका छन् ।

असार २४ मा काटिएको चेक आज असार २९ मा प्रहरी परिचालन गरेर उपभोक्ता र निर्माण कम्पनीलाई बाँडिरहेको विषयमा प्रतिक्रिया लिन अधिकृत, गापा अध्यक्ष र लेखापाललाई सम्पर्क गर्दा हुन सकेन ।

सम्बन्धित

सशस्त्र प्रहरीद्धारा धनुषाको दुहबीमा लागु औषध दुर्व्यसन सम्बन्धी जनचेतनामूलक कार्यक्रम सम्पन्न

दुहबीमा अल्पसंख्यक समुदायसँग प्रहरी कार्यक्रम सम्पन्न

धनुषा : बोरामा बाँधेर फालिएको अवस्थामा एक किशोरीको शव फेला

सिडिओ कार्यालय महोत्तरीका नायब सुब्बा अशोक यादव घुससहित रँगेहात पक्राउ

कांग्रेस र एमाले प्रतिस्पर्धी पार्टी भएपनि यो समीकरण ०८४ को मंसिरसम्मै जान्छ : प्रधानमन्त्री ओली

सशस्त्र प्रहरी पर्साद्वारा भन्सार छलि गरि भित्राएको करिब १२ लाखको लत्ताकपडा,काजु र खजुर बरामद

कमला आरती तथा गंगा कमला संवाद कार्यक्रम सम्पन्न

भोली सोमबारदेखि जनकपुरधामको सबै नीजि विद्यालय अनिश्चितकालिन बन्दको घोषणा