2024-11-24
Close
2024-11-24
जनकपुरधाम । गैर आवासीय मधेश संघ साउदी च्याप्टरले धनुषाका एक विपन्न परिवारलाई आर्थिक सहयोग गरेको छ ।
धनुषा जिल्लाको मुखियापट्टि मुसरनीया गाउँपालिका वडा नम्बर ५ बैरिया बस्ने स्थानीय सुकन मुखियाको परिवारलाई आर्थिक सहायता आवश्यक रहेको बेला गैर आवासीय मधेशी संघले ३९ हजार रुपैयाँ सहयोग पठाएको हो ।
मुखिया परिवारमा पाँच जना बालबच्चा र वृद्धवृद्धा समेत रहेकोमा दैनिक जीवनयापनमा कठिनाई भएको बेला गैर आवासीय मधेशी संघका साउदी अरब सचिव तथा कमला नगरपालिका वडा नं. ३ बस्ने गोपाल मण्डलको पहलमा ३९ हजार रुपैयाँ आर्थिक सहयोग गरिएको हो ।
साउदीको अरबियन फाँल कम्पनीमा कार्यरत नेपाली कामदारहरुले एक एक पैसा जम्मा गरेर मुखिया परिवारलाई सहयोग गरेको हो । उनीहरुले पठाएको सहयोग मुखिया परिवारलाई मँगलबार हस्तान्तरण गरिएको हो ।
जनमत पार्टीका अध्यक्ष डा. सिके राउत सँस्थापक अध्यक्ष रहेका गैर आवासीय मधेशी संघले निरन्तर मधेशी समुदायलाई परेको बेला सहयोग गर्दै आएको हो ।
