2024-11-24
Close
2024-11-24
जनकपुरधाम । सिरहा-धनुषा जोड्ने कमला नदीमा नयाँ पुल निर्माण गर्न कमला पुल निर्माण संघर्ष समितिले मधेशका मुख्यमन्त्री सतिश कुमार सिंहलाई ज्ञापन-पत्र बुझाएको छ ।
समितिका संयोजक प्रविण कुमार यादव नेतृत्वको टोलीले मधेश भवनमै पुगेर मुख्यमन्त्री सिंहलाई ज्ञापन-पत्र बुझाएको हो । हुलाकी सडकमा रहेको सिरहा र धनुषा जोडने कमला नदिमा नयाँ पुल निर्माण गर्न समितिले एक सुत्रिय माग राखेको छ ।
सात दिनभित्र सात माग पुरा नभएमा मुख्यमन्त्री कार्यालय अगाडी भदौं ४ गतेदेखि सामुहिक आमरण अनसन गर्ने समितिले चेतावनी दिएको छ ।
सिरहाका ईन्जिनियरहरुले संघर्ष समिति बनाएर कमलामा नयाँ पुल निर्माणका लागि संघर्षरत छन् । समितिको आह्वानमा मुख्यमन्त्री सिंहलाई ज्ञापन-पत्र बुझाउन नेकपा एसका सांसद तथा पूर्वमन्त्री प्रमोद यादव र वरिष्ट पत्रकार तथा अभियन्ता रामरिझन यादव पनि पुगेका थिए ।
०६८ मै कमला नदीमा पुल निर्माणको ठेक्का लागेको थियो । साढे तीन वर्षमा पुल निर्माण गर्ने सम्झौता भएकोमा निर्माण कम्पनीले १० वर्षमा ९९ प्रतिशत मात्र काम गरेको थियो । त्यो पुलको पिलर पनि ०७८ साउनमा भासिएपछि अहिले अलपत्र परेको छ ।
