जलेश्वर । महोत्तरीको जलेश्वर नगरपालिका– २ मालिवडामा भारतबाट नेपालतर्फ ल्याउँदै गरेको स्रोत नखुलेको १५ लाखभन्दा बढी भारतीय रुपैयाँसहित दुई जना भारतीय नागरिक पक्राउ परेका छन्।

आइतबार बिहान सशस्त्र प्रहरी बल, नेपाल गुल्म जलेश्वरबाट मालिवडा बसपार्क इलाकामा खटिएको सशस्त्र प्रहरी निरीक्षक गान्धरकुमार चौलागाईं नेतृत्वको टोलीले भारतीय सीमा पार गरी नेपाल प्रवेश गरेको वीआर ३१ एके ८८०७ भारतीय नम्बरको अल्टो कार चेकजाँच गर्ने क्रममा उक्त कारमा वैधानिक स्रोत नखुलेको १५ लाख २४ हजार ९०० भारतीय रुपैयाँ फेला पारेको हो।

उक्त रकमसहित कारमा सवार भारतीय नागरिक जिल्ला वैशाली हाजिपुर नगरका ३४ वर्षीय ललन कुमार र सोही ठाउँ बस्ने २६ वर्षीय मोहन कुमार पक्राउ परेका छन्। भारतीय ५००, २०० र १०० दरका नोट हरियो रंगको झोलामा राखी कारको डिक्कीमा लुकाई नेपालतर्फ ल्याउँदै गरेको अवस्थामा फेला परेको हो।

उनीहरूलाई आवश्यक कारबाहीका लागि राजस्व अनुसन्धान कार्यालय पथलैयामा बुझाइने जलसागरस्थित सशस्त्र प्रहरी बल, नेपाल नं ९ गण हेडक्वार्टरका सशस्त्र प्रहरी उपरीक्षक विनोद केसीले जानकारी दिए।

सम्बन्धित

धनुषा : बोरामा बाँधेर फालिएको अवस्थामा एक किशोरीको शव फेला

सिडिओ कार्यालय महोत्तरीका नायब सुब्बा अशोक यादव घुससहित रँगेहात पक्राउ

कांग्रेस र एमाले प्रतिस्पर्धी पार्टी भएपनि यो समीकरण ०८४ को मंसिरसम्मै जान्छ : प्रधानमन्त्री ओली

सशस्त्र प्रहरी पर्साद्वारा भन्सार छलि गरि भित्राएको करिब १२ लाखको लत्ताकपडा,काजु र खजुर बरामद

कमला आरती तथा गंगा कमला संवाद कार्यक्रम सम्पन्न

भोली सोमबारदेखि जनकपुरधामको सबै नीजि विद्यालय अनिश्चितकालिन बन्दको घोषणा

कप्तान पुजा महतोसहित तीन खेलाडीलाई मधेश सरकारले नगदसहित सम्मान गर्ने

कमला नदीमा देवता मेला, स्नान गर्नेको घुइँचो [फोटो फिचर]