2024-11-23
Close
2024-11-23
अप्पन जनकपुर
जनकपुरधाम । धनुषा प्रहरीले पिकअपसहित १६ लाख रुपैयाँ मूल्य बराबरको प्याज बरामद गरेको छ ।
विहिबार राती करिब ८ः३० बजेको समयमा धनुषाको मिथिला नगरपालिका वडा नं. १० स्थित भारतबाट भन्सार छली गरी ल्याउँदै गरेको अवस्थामा पिकअपसहित करिब १६ लाख रुपैयाँ बराबरको प्याज बरामद गरेको हो ।
भन्सार छली र चोरी पैठारी गरी ना ४ क ५९४५ नम्बरको पिकअप गाडिमा प्याज लोड गरी ल्याउदै गरेको छ भन्ने विशेष सूचनाको अधारमा उक्त स्थानमा जिल्ला प्रहरी कार्यालय धनुषा मातहतको प्रहरी चौकी लालगढ, धनुषाबाट खटि गएको प्रहरी टोलीले उक्त पिकअप गाडिमा लोड रहेको प्याज र पिकअप गाडि समेत पक्राउ गरेको हो ।
पिकअप र प्याजसहित अन्दाजी मूल्य १६ लाख ५० हजार रुपैयाँ बराबरको रहेको मूल्याँकन गरिएको छ । पिकअप गाडी र पिकअप चालक समेतलाई नियन्त्रणमा लिई आवश्यक अनुसन्धान तथा कारवाहीको लागि जनकपुर भन्सार कार्यालय जनकपुर, धनुषामा पठाईएको धनुषाका प्रहरी प्रवक्ता रञ्जन अवाले बताए ।
करिब साढे १६ लाखको मदिरा र पेय पदार्थ बरामद
सोही क्रममा धनुषा प्रहरीले सोही दिन बेलुकी ७ः५० बजेको समयमा गणेशमान चारनाथ नगरपालिका वडा नम्बर ८ पोर्ताह चोकस्थित यस कार्यालय मातहत प्रहरी चौकी पोर्ताहा, धनुषाबाट खटि गएको प्रहरी चेकिङ्ग टोलिले चेकिङ्ग गर्ने क्रममा स १ च १५९७ नम्बरको म्याजिक पिकअप माथि शंका लागि चेकजाँच गर्दा उक्त पिकअपमा लोड रहेको १६ लाख ४५ हजार मूल्य बराबरको समान बरामद गरेको हो ।
मदिरा, फ्रुटि, जुस, रेडबुल र म्यजिक पिकअप गरी सोह्र लाख पैँतालिस हजार दुई सय पचास रुपैया बरावरको मूल्याँकन गरी आन्तरिक राजस्व कार्यालय पठाएको हो ।
