2024-11-23
Close
2024-11-23
अप्पन जनकपुर
जनकपुरधाम । नेकपा एकिकृत समाजवादी पार्टीका नेता रामचन्द्र झाका सबभन्दा नजिकका पात्र मानिएका कुलदेव मोरबैता (कारी) ले रामचन्द्र झा आफूबाहेक अरुलाई कहिल्यै नहेरेको आरोप लगाएका छन् ।
पार्टी प्रवेशको विषयालाई लिएर जसपाका नेता पशुपति यादव र एकिकृत समाजवादी पार्टीका नेता रामचन्द्र झाबीच वाक युद्ध चलिरहँदा कुलदेव मोरबैताले समेत आफ्नो मुख खोलेका छन् ।
उनले रामचन्द्र झालाई आफू ३९ बर्षसम्म सेवा गर्दा पनि कुनै अवसर नदिएको आरोप लगाएका छन् । नवयुवा अवस्थादेखि नै आफू झासँग लागेको बताउँदै सो अवधिमा कहिल्यै पनि आफूलाई अवसर नदिएपछि आफू एमालेमा प्रवेश गर्न बाध्य भएको बताए ।
उनले भने,“म भन्दा अधिक सेवा गर्ने कोही छैनन् । म विगत ३९ बर्षदेखि रामचन्द्र झाजीको सेवा गरेको कसले देखेका छैनन् र ? तर, उहाँको प्रवृति मैले ३९ बर्षपछि मात्र थाहा पाए । उहाँ स्वार्थी नेता हुनुहुन्छ । आफू बाहेक अन्य कसैलाई पनि अगाडी बढन नदिने प्रवृतिले पनि आज एक्लो हुनुभएको छ उहाँ । एमालेमा हुँदा पनि उहाँको एही प्रवृति थियो । त्यतिबेला एकल शासनको रुपमा भएको थियो । लोकतन्त्र आएपछि विभिन्न दलहरु, उम्मेदवारहरु आउन थालेपछि बल्ल उहाँको असलियत बुँझिदै गयो ।”
कारी मोरबैताले रामचन्द्र झालाई आफू छोरा जस्तै सेवा गरेको सुनाए । लगमाबाट भारत बिहारको कमलावैरपट्टि भागेको बेला आफूहरु ल्याएर चुनाव लडाएको सुनाउँदै उनले झाले सो गुणहरु बिर्सेको बताए ।
उनले रामचन्द्र झा र जसपाका जिल्ला अध्यक्ष पशुपति यादवबीच चलेको जुबानी जँगप्रति प्रतिक्रिया दिँदै आफू एमाले पार्टीमा भएपनि पशुपति यादवलाई समर्थन गर्ने बताए । पशुपति यादव युवा नेता भएकोले उनलाई समर्थन गर्ने प्रतिक्रिया दिए ।
