2024-11-22
Close
2024-11-22
अप्पन जनकपुर
जनकपुरधाम । धनुषाको विदेह नगरपालिका दुहबी गोबराहीमा बाघको त्रास फैलिएको छ । बुधबार साँझ बाघ जस्तै जनावर देखिएपछि बाघ भएको हुन सक्ने आशंकामा स्थानीयहरुमा त्रास फैलिएको छ ।
स्थानीयहरुले बाघ जस्तै जनावर वर्णन गरेपछि जिल्ला प्रहरी कार्यालय धनुषाले प्रहरी टोली पठाएको थियो । बुधबार साँझ करिब ६ः४५ बजेको समयमा धनुषाको विदेह नगरपालिका वडा नं. २ र ३ को बीचमा खेतमा बाघ जस्तै जनावर देखिएको नगर प्रमुख बेचन दासले जानकारी दिए ।
मेयर दासका अनुसार, हिजो साँझ बाघ जस्तै देखिने जनावर देखिएपछि स्थाानीयहरु त्रास फैलिएको छ । देखिएको जनावर बाघ नै हो भनेर यकिन गर्नको लागि वन कार्यालयको विशेषज्ञ टोली अहिले सोही ठाउँमा आउन लागेको हो ।
जनावर हिँडेको ठाउँमा परेको खुट्टाको छापको आधारमा जनावरको प्रकृति छुटयाएर यकिन गरिने जनाइएको छ । केही दिन अगाडी महोत्तरीको औरही तर्फ समेत बाघ जस्तै जनावर देखिएको थियो ।
मेयर दासले खेततर्फ अहिले नजान र गएपनि सावधानीका साथ जानको लागि आग्रह गरेका छन् । जनावरले हमला गर्न सक्ने भन्दै ज्यान जोखिममा पारेर खेततर्फ नजान नजानदिनको लागि आग्रह गरे ।
मानिसहरुले वनजँगल काटेर फडानी गर्न थालेपछि वन जँगलको जनावरहरु गाउँतर्फ आउन थालेका छन् ।
