2024-11-05
Close
2024-11-05
जनकपुरधाम । दशगजा क्षेत्रमा नेपाल र भारतका सुरक्षाकर्मीहरुले संयुक्त रुपमा सरसफाइ गरेका छन् । शुभ दिवाली तथा छठ पर्वको उपलक्ष्यमा नेपाल र भारत सीमा नाका दुहबीबाट सरसफाइ गरेको छ । सशस्त्र प्रहरी बल नेपाल प्रस्तावित सिमा सुरक्षा गुल्म महिनाथपुरको सहकार्यमा नाकामा सरसफाइ गरिएको हो । दुहबीसँग जोडिएको दुहबी बजार आसपासको दशगजा क्षेत्र तथा दुहबी बजारमा सरसफाइ गरिएको हो ।
शनिबार बिहान सशस्त्र प्रहरी बल नेपाल प्रस्तावित सिमा सुरक्षा गुल्म महिनाथपुर, भारतीय सीमा सुरक्षा बल एसएसबी, वडा जनप्रतिनिधि, स्थानियबासी, संचारकर्मी सरसफाईमा खटिएका थिए ।
सरसफाइमा कार्यक्रममा स्थानीय बजार ब्यवस्थापन समिति, सुरक्षाकर्मी, वडा जनप्रतिनिधि, स्थानियबासी, संचारकर्मीको सहभागिता थियो । दुहबी सीमा नजिकै रहेको विदेह नगरपालिका २ दुहबी बजारमा सरसफाइ गरेको हो । 
सीमामा रहेको बजारमा दुर्गन्ध बढ्दै गएपछि सरसफाई कार्यक्रमको आयोजना गरिएको सशस्त्र प्रहरी बल नेपाल प्रस्तावित सिमा सुरक्षा गुल्म महिनाथपुरका गुल्मपति डिएसपी शंकर तिवारीले बताए । उनले सशस्त्र प्रहरी बल नेपाल र भारतीय सीमा सुरक्षा बल एसएसबी बीचको सम्बन्धलाई सुदृढ बनाउनका लागि विभिन्न गतिविधि हुँदै आएको बताउँदै सीमा क्षेत्रमा पनि वर्षेनी सरसफाइ कार्यक्रम गर्दै आएको बताए ।
