2024-11-24
Close
2024-11-24
विपिन यादव /जनकपुरधाम । धनुषामा अल्पसंख्यक समुदायसँग प्रहरी कार्यक्रम सम्पन्न भएको छ । जिल्ला प्रहरी कार्यालय, धनुषाको सुरक्षा सुनिश्चितता अभियान अन्तर्गत कार्यक्रम आयोजना गरिएको हो ।
यस कार्यालय मातहत ईलाका प्रहरी कार्यालय दुहबीको आयोजनामा धनुषाको विदेह नगरपालिका वार्ड नं.२ दुहबी दुर्गास्थित रहेका अल्पसंख्यक जातजातिहरू समुदायका स्थानीय नागरिकहरुलाई सामुदाय-प्रहरी साझेदारी कार्यक्रम अन्तरगत अल्पसंख्यकसँग प्रहरी कार्यक्रममा गरिएको हो ।
उक्त कार्यक्रम अन्तर्गत प्रहरी सेवा तथा प्रहरीमा उजुरी दिने प्रक्रिया तथा शान्ति सुरक्षा र अपराध रोकथाम नियन्त्रणमा स्थानियवासीको भूमिका बारेमासमेत जानकारी गराई जनचेतनामूलक कार्यक्रम सम्पन्न गरिएको प्रहरीले जनाएको छ । उक्त कार्यक्रममा प्रमुख अतिथि धनुषा एसपी भुवनेश्वर तिवारी, विशिष्ट अतिथि विदेह नगरपालिका उपप्रमुख आशा देवि झा, विशिष्ट अतिथि सशस्त्र डिएसपी शंकर दत्त तिवारी, अतिथि वडा अध्यक्ष रामपुकार सहनी, पूर्व वडा अध्यक्ष श्रवन कुसैयत, कार्यपालिका सदस्य सत्रधुन राय, सई रामकिसुन यादव, सन्तोष यादव, ललित मण्डल, स्थानिय, बुधिजिबी, सुरक्षाकर्मी लगायतको उपस्थित थियो ।
