2025-01-07
Close
2025-01-07
जनकपुरधाम । जेसीजको ४२ औँ शाखा अधिवेशनबाट अध्यक्षमा मुकेश कुमार साग निर्वाचित हुनुभएको छ । सन् २०२५ को नेतृत्वका लागि भएको अधिवेशनमा अध्यक्षमा मुकेश कुमार साह र उपेन्द्र साह बीच प्रतिस्पर्धा भएको थियो ।
मुकेश कुमार साहले १२७ मत प्राप्त गरेर विजयी हुँदा उपेन्द्र साहले ५० मत प्राप्त गरेर उपविजेता हुनुभएको हो । जनकपुर जेसीजको कार्यकारिणी उपाध्यक्षमा १२८ मतसहित ओम प्रकाश साह र १०० मतसहित मनोहर निर्वाचित हुनुभयो । उपाध्यक्षमा राजेश ठाकुर १४९ मत, अमरेन्द्र कुमार साह १३९ मत, राम सोगारथ साह १३६ मत र सुबोध कुमार ठाकुर ११४ मत प्राप्त गरी निर्वाचित हुनुभएको छ ।
जेसीजको विधान अनुसार अध्यक्षले महासचिवमा दिपक यादव, कानुनी सल्लाहकारमा प्रशान्त झा र कोषाध्यक्षमा भवेश कुमार झा मनोनीत गर्नुभयो ।
नव निर्वाचित अध्यक्ष मुकेश कुमार साहले जनकपुर जेसिजको गरिमा अझै उँचो बनाउने र नयाँ योजनाका साथमा काम गर्ने प्रतिबद्धता जनाउनुभएको छ ।
