2025-01-07
Close
2025-01-07
जनकपुरधाम । मधेशको लाइफ लाईन मानिने हुलाकी राजमार्ग अन्तर्गत पर्ने धनुषा र सिरहा जोड्ने कमला पूलको मर्मत गर्ने कार्य पुनः सुरु भएको छ ।
करिब १२ वर्ष लगाएर निर्माण सम्पन्न गरेको सो कमला पूल उद्घाटनको पूर्व सन्ध्यामा २०७८ सालको बाढीले बगाएपछि निर्माण कार्य अधुरै रहेको छ भन्ने यात्रुहरु रु. १०० तिरेर वर्षातको समयमा नाउमा सवार भई आवत जावत गर्दै आएकोमा विगत केही महिना देखि सिरहा नगरपालिकाको पहलमा अस्थायी बाँस र काठले बनाएको पुलमा रु.२० तिरी यात्रा गर्दै आइरहेको स्थानियहरु बताउँछन् ।
मर्मत कार्य शुरू भएपछि यस भेगका बासिन्दाहरुलाई पुनः कमला नदीको पूलबाट यात्रा गर्ने आशा जागेको सिरहा नगरपालिका वडा नं. ११ का युवा मनिक कुमार कामतीले बताए ।
कमला नदीमा पूल नहुँदा दैनिक हजारौ यात्रुहरु जोखिम मोलेर यात्रा गर्दै आइरहेका छन् । तसर्थ यो वर्षको वर्षात अगावै पूलको मर्मत कार्य सम्पन्न हुने गरी कार्य गरेमा पूल सुचारु गर्न असम्भ भन्ने छैन ।
