2025-01-08
Close
2025-01-08
वीरगन्ज २२ पुष
इलाका प्रहरी कार्यालय पटेरवा सुगौलीको आयोजनामा सुरक्षा विषयक एकदिने अन्तरक्रिया कार्यक्रम सम्पन्न भएको छ। हालै इलाका प्रहरी कार्यालय पटेरवा सुगौलीमा प्रहरी निरीक्षकको रूपमा इन्स्पेक्टर प्रकाश थापा सरुवा भई आएपछि उहाँकै अध्यक्षतामा कार्यक्रम सम्पन्न गरिएको हो।
कार्यक्रममा सकुवा पर्सौनी गाउँपालिका, पटेरवा सुगौली गाउँपालिका, स्थानीय राजनीतिक दलका प्रतिनिधि, शिक्षक, नागरिक समाज, स्थानीय पत्रकार, बुद्धिजीवी, र जनसमुदायको उल्लेखनीय उपस्थिति रहेको थियो।
कार्यक्रमका मुख्य बुँदाहरू:
1. निःशुल्क निवेदन लेखन सेवा: पीडित व्यक्तिहरूले प्रहरी कार्यालयमा लेखनदासको सहयोग नलिई निःशुल्क निवेदन लेख्न पाउने व्यवस्था तुरुन्त लागू गरिएको छ।2. न्यायको सुनिश्चितता: पीडित वा अन्य पक्षहरूको कुरा निष्पक्ष रूपमा सुन्ने र न्याय प्रदान गर्ने प्रतिबद्धता व्यक्त गरिएको छ।3. किसानहरूको माग: भारतबाट बीउ, मलखाद, र अन्य आवश्यक सामग्री ल्याउँदा प्रहरीको सहयोग सुनिश्चित गर्नुपर्ने माग राखिएको छ।4. सडक सुरक्षा: हेल्मेट बिना सवारी चलाउनेहरू र सडकमा नियम उल्लंघन गर्नेहरूलाई कारबाही गर्ने कुरा उठाइएको छ।5. युवामा नशा नियन्त्रण: विद्यालय बाहिर युवाहरूको लागूऔषध दुर्व्यसन नियन्त्रणका लागि सचेतनामूलक कार्यक्रम सञ्चालन गरिने छ।कार्यक्रममा नेपाल पत्रकार महासङ्घका सदस्य प्रमोद यादव, स्थानीय पत्रकार चिरञ्जीवी यादव, रामकिशोर चौधरी, वडा अध्यक्ष मोजामिल मिया अन्सारी, बासु पन्जियार, आरिफ मिया अन्सारी शिक्षाविद हरिराज प्रसाद यादव। लगायत स्थानीय समुदायको उल्लेखनीय सहभागिता रहेको थियो।यस कार्यक्रममा उठाइएका विषयहरूको प्रभावकारी कार्यान्वयनका लागि प्रहरी प्रशासनले गम्भीर ध्यान दिने प्रतिबद्धता प्रहरी निरीक्षक थापाले जनाएको छ।
