2025-01-08
Close
2025-01-08
जनकपुरधाम । जिल्ला ट्राफिक प्रहरी कार्यालय धनुषाले हुस्सु र जाडोको कारण हुने सम्भावित दुर्घटना रोक्न आगो ताप्ने र गाडीको सिसा पुछ्ने अभियान चलाएको छ ।
पूर्व पश्चिम राजमार्ग र जनकपुर ढल्केवर सिक्सलेन सडक खण्डमा मंगलबार सो अभियान चलाएको धनुषाका ट्राफिक प्रहरी प्रमुख हरि वलीले जानकारी दिए ।
‘हुस्सुमा सिसा धुमिलो हुँदा अगाडि स्पष्ट नदेखेर दुर्घटना जोखिम हुन्छ । यसको लागि रोकेर सिसा पोछ्न लगाउने अभियान चलाइएको छ’ ट्राफिक प्रहरी प्रमुख वलीले थपे ‘चिसोले चालकको हातखुट्टा कठ्यांग्रिन सक्छ । यसले सवारी दुर्घटना हुने जोखिम रहन्छ । ठाउँठाउँमा आगो (घुर) बालेर आगो ताप्ने व्यवस्था गर्यौं’ । अत्यधिक जाडोको अवधिभर यो अभियान जारी राख्ने उनले बताए ।
