2025-01-14
Close
2025-01-14
अप्पन जनकपुर
जनकपुरधाम । मदन भण्डारी फाउन्डेसनको मधेश प्रदेश कार्यसमिति गठन भएको छ । बर्दिबासमा शनिबार बसेको प्रदेश स्तरीय विस्तारित बैठकले कार्यसमिति घोषणा गरेको हो ।
फाउन्डेसनको मधेश प्रदेश अध्यक्षमा राज महम्मद राय चयन भएका छन् । उपाध्यक्षमा गणेश प्रसाई, सचिवमा रंजीत सिंह, कोषाध्यक्षमा अशोक तीवारी, उपसचिवमा नवराज शर्मा चुनिएका छन् ।
कार्यसमिति जम्मा ५२ सदस्यीय रहेको फाउन्डेसनले जनाएको छ । कार्यसमिति बनेसँगै अब फाउन्डेसनले आफ्नो उद्देश्य प्राप्तिका लागि सक्रियतापूर्वक गतिविधि थाल्ने अध्यक्ष रायले बताए ।
नेकपा एमालेका स्थायी समिति सदस्य तथा मधेश प्रदेश इन्चार्ज लीलानाथ श्रेष्ठको प्रमुख आतिथ्यमा भएको उक्त कार्यक्रममा पोलिटब्यूरो सदस्य सुमनराज प्याकुरेल, अच्युत मैनाली, ज्वाला साह, मधेशका भौतिक पूर्वाधार मन्त्री सरोज कुमार यादव, प्रदेश अध्यक्ष चन्देश्वर मण्डललगायतका नेता सहभागी थिए ।
