2025-03-12
Close
2025-03-12
अप्पन जनकपुर
जनकपुरधाम । नेकपा माओवादी केन्द्रले सात प्रदेश र ७७ जिल्लाका इन्चार्जको जिम्मेवारी तोकेको छ ।
गत २१ माघमा बसेको केन्द्रीय कार्यालय (पदाधिकारी) बैठकले गरेको निर्णय आइतबार परिपत्रमार्फत नेता कार्यकर्तालाई पठाइएको छ ।
जसमा पार्टीका केन्द्रीय विभाग, वर्गीय संगठन, केन्द्रीय कार्यालय, प्रदेश र जिल्ला लगायतको कार्यविभाजन गरिएको छ ।
महासचिव देव गुरुङले पठाएको परिपत्र अनुसार संगठन विभागको प्रमुखमा जनार्दन शर्मालाई जिम्मेवारी दिइएको छ । आर्थिक उत्पादन संयन्त्रको इन्चार्जमा पूर्वउपराष्ट्रपति नन्दकिशोर पुनलाई जिम्मेवारी दिइएको छ ।
परिपत्र अनुसार, मधेश प्रदेशको ईन्चार्ज माओवादीका नेता एवम् पूर्वमन्त्री मातृका प्रसाद यादवलाई दिएको छ । मधेश प्रदेशको इन्चार्ज मातृका यादवलाई बनाएको छ भने सह-ईन्चार्ज योग कुमार बरबरिया श्रवणलाई जिम्मेवारी तोकिएको छ ।
श्रवण बरबरियाका साथै विश्वनाथ साह, प्रहलाद बुढाथोकी र महेन्द्र पासवानलाई सह ईन्चार्जको जिम्मेवारी दिएको हो । यस्तै, जिल्ला तर्फ धनुषा जिल्ला ईन्चार्जमा समेत योग कुमार बरबरिया श्रवणलाई जिम्मेवारी दिएको हो ।
