काठमाडौँ । जनता समाजवादी पार्टी (जसपा), नेपालले सरकारलाई दिएको समर्थन कायमै राख्ने निर्णय गरेको छ । तीन दिनसम्म यहाँ बसेको केन्द्रीय समितिको बैठकको अन्तिम दिन आज सरकारलाई दिएको समर्थन कायमै राख्ने निर्णय गरेको हो ।

जसपाले ‘सुशासन प्रवद्र्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने अध्यादेश, २०८१’, ‘आर्थिक कार्यविधि तथा वित्तीय उत्तरदायित्व (पहिलो संशोधन) अध्यादेश, २०८१’, र ‘निजीकरण (पहिलो संशोधन) अध्यादेश, २०८१’ सहित पाँच वटा अध्यादेशमा सर्मथन गर्ने भए पनि ‘भूमिसम्बन्धी केही नेपाल ऐनलाई संशोधन गर्ने अध्यादेश, २०८१’ को भने विरोध गर्दै आएको छ ।

यसैगरी जसपा नेपालले ‘आर्थिक तथा व्यावसायिक वातावरण सुधार र लगानी अभिवृद्धिसम्बन्धी केही नेपाल ऐनलाई संशोधन गर्ने अध्यादेश, २०८१’, र ‘सहकारीसम्बन्धी केही नेपाल ऐनलाई संशोधन गर्ने अध्यादेश, २०८१’, ‘सुशासन प्रवद्र्धनसम्बन्धी अध्यादेश, २०८१’ पनि समर्थन गरेको छ ।

पार्टी प्रवक्ता मनिष सुमनले बैठकले भ्रष्टाचार अन्त्य, सुशासन, विकास र संविधान संशोधनका लागि वर्तमान सरकारले काम गर्न नसकेको निष्कर्ष निकाले पनि समर्थन भने कायमै राख्ने निर्णय गरेको बताए। बैठकले पाथिभरामा बन्न लागको केबलकारविरुद्धको ‘नो केबलकार अभियान’ प्रति समर्थन जनाउँदै वार्ता र संवादमार्फत समस्याको समधान गर्न सरकारको ध्यानाकर्षण गराउने निर्णय गरेको पनि उहाँले जानकारी दिए।

सम्बन्धित

ड्युटीमा खटिएका सशस्त्र प्रहरी जवानले एक असहाय बालकलाई माया गर्दै फ्रुटी खुवाए : यो एउटा तस्बिरले दिल जित्यो

पर्सा प्रहरीद्वारा १ महिनामा ५५ जना विभिन्न मुद्दामा फरार रहेका प्रतिवादी पक्राउ

आज र भोलि देशभरका बालबालिकालाई भिटामिन ‘ए’ खुवाइँदै

आईपीएल : हैदराबादलाई ४ विकेटले हराउँदै मुम्बईको तेस्रो जित

मधेसका मुख्यमन्त्री सिँहको स्वास्थ्यसंस्था अनुगमन सर्लाहीको बरहथवाका ११ अस्पताल बन्द गर्न निर्देशन

जनकपुरधाम : गंगासागर डीलमा स्व. रामनारायण स्मृति भवन बनाउन गुठीले दियो स्वीकृति

सशस्त्र प्रहरी धनुषाको १८ औँ वार्षिकोत्सवमा जानकी मन्दिर परिसरमा सरसफाइ

आईपीएल २०२५ : सिजनको पहिलो सुपर ओभरमा दिल्लीले राजस्थानलाई हरायो