2025-03-18
Close
2025-03-18
जनकपुरधाम । धनुषाको सबैला नगरपालिका ९ भठियनमा यादव चोकको बोर्ड लगाएपछि उत्पन्न विवाद समाधान गर्न दुबै पक्ष पाँच बुँदै सहमति गरेको छ ।
धनुषाका प्रमुख जिल्ला अधिकारी रामुराज कडरीयाको अगुवाइमा दुबै पक्षबीच पाँच बुँदै सहमति भएको हो । सहमती अनुसार नामाकरण गरिएको यादव चोक नाम रहने छैन ।
स्थानीय सरकार सञ्चालन ऐन, २०७४ बमोजिम सबैला नगरपालिकाले दुई महिनाभित्र नामाकरण गर्ने र सो सम्बन्धमा नगरपालिकाले जिल्ला सुरक्षा समितिलाई आवश्यक परेको बेला आमन्त्रितको रुपमा सहभागी गराउने सहमती भएको छ ।
चोकको नामाकरण गर्ने विषयमा दुई पक्षबीच विवाद चर्केपछि पटक पटक झडप भएको थियो । स्थिति नियन्त्रणमा लिन सोमबार प्रहरीले चलाएको गोली लागेर २२ वर्षीय सन्तोष यादव घाईते छन् । उनको उपचार काठमाडौंमा भइरहेको छ ।
घाईते यादवको सम्पूर्ण उपचार तथा क्षतिपूर्तिको लागि जिल्ला सुरक्षा समितिबाट निर्णय गरी मन्त्रालयलाई सिफारिस गरी पठाउने पनि सहमति पत्रमा उल्लेख छ । सो घटनाको सम्बन्धमा जिल्ला प्हरी कार्यालयको डिएसपीको संयोजकत्वमा गठित समितिको प्रतिवेदन अनुसार गर्ने पनि सहमति भएको छ ।
यस्तै चोकको नामाकरण नहुँदासम्म सम्बद्ध सबै पक्ष संयमित रहि सबैले एक अर्काप्रति सम्मानजनक व्यवहार गर्न दुबै पक्ष सहमत भएका छन् । योसँगै आन्दोलन पनि स्थगित भएको छ ।
