2025-04-02
Close
2025-04-02
काठमाडौं । नेपाल प्रहरी भनेको जनताको सेवा गर्ने पवित्र संगठन हो, यो कुनै व्यापारिक या व्यवसाय गर्ने नाफामुखी संस्था होइन । त्यसैले जनताका गुनासा सुन्ने, उनीहरुका इच्छित सेवा प्रति प्रहरी संगठनले सकेसम्म पूरा गर्ने गराउनेतर्फ संगठन प्रमुखको हैसियतले लक्ष्य नै बनाएको आईजीपी दिपक थापाले बताएका छन ।
जनताको शान्ति सुरक्षा नै प्रहरीको मुल कर्तब्य भएकाले शान्ति सुरक्षाको पहरेदार नेपाल प्रहरीको प्रमुखका हैसियतले जनतासँग सहकार्य गर्दै अघि बढ्ने बताउँदै थापाले प्रहरी सेवालाई सहज, पारदर्शी र दबाबरहित तुल्याउँदै आमजनताको पहुँचमा पुर्याउन अग्रसर रहने प्रतिवद्धता व्यक्त गर्नुभएको छ ।
देश र जनताको शान्ति सुरक्षाका लागि अहोरात्र खटेर छुट्टै सान बनाएका प्रहरी प्रमुख आईजीपी थापा सरकारको स्प्रीडमा दौडिन सक्ने एक शाहसी र कुशल प्रहरी अधिकृतको रुपमा परिचित भएका छन् । आईजीपी थापाले देशमा शान्ति सुरक्षा र अमनचयन कायम गर्न गरेका पहलले उहाँलाई एक सफल आईजीपीको रूपमा हेरिएको छ ।
नेपाल प्रहरीलाई कमजोर बनाउने विभिन्न व्यवधानका विरुद्ध लड्न सक्ने क्षमता भएका उहाँले आत्मविश्वासका साथ देश र जनताको लागि कार्य गर्दै आउनु भएको छ । राजनीतिक हस्तक्षेपमा पनि कर्मयोगी बनेर कार्य सम्पादन गरेका आईजीपी थापा एक निडर प्रहरी अधिकृत हुन् । २९ वर्ष लामो पेशागत यात्रामा थापा थुप्रै महत्वपूर्ण मोर्चाको कुशलतापूर्वक कमान्ड सम्हालेका छन् ।
स्वदेशी तथा विदेशी तालिम प्राप्त आईजीपी थापाले सिकेका ज्ञान र सीपलाई कार्यकुशलतापूर्वक प्रहरीमा लगाउन सके अझ बढी फलदायी हुने आशा आमजनमानसले गर्न थालेका छन् । उहाँ जस्तो कुशल नेतृत्वबाट देशले काचुली फेर्ने धेरैको अनुमान छ ।
राष्ट्रिय तथा अन्तर्राष्ट्रिय मुद्दाहरूलाई सुक्ष्म रूपमा अध्ययन गर्नेे उहाँ प्रहरीका लागि उदाहरणीय पात्र बन्नु भएको छ । देश विदेशको तालिमबाट प्राप्त ज्ञानलाई प्रयोग गरेर सम्पूर्ण प्रहरी संगठनलाई नै बलियो र चुस्त बनाउने काम उहाँबाट भएको छ । बेथिति, अपराध र गुन्डागर्दीप्रति शून्य सहनशीलता अपनाउने आईजीपी थापाले अपराधीहरूलाई तह लगाएउनु भयो । प्रहरी अपराध महाशाखा प्रमुख हुँदा थापाले काठमाडौं उपत्यकाको हप्ता असुली, अपहरण, बन्धक बनाएर वा धम्काएर चन्दा असुली कार्यलाई नियन्त्रणमा लिनु भएको थियो ।
