जनकपुरधाम । जनकपुरबाट करिब ५ क्वीन्टल लागुऔषध गाँजासहित एक जनालाई पक्राउ गरिएको छ ।

जनकपुर–ढल्केवर ६ लेन सडकखण्ड अन्तर्गत करिब ४ क्वीन्टल ७८ किलो गाँजासहित एक जनालाई पक्राउ गरेको हो ।

शुक्रबार साँझ करिब ७ बजेको समयमा ढल्केवरबाट जनकपुरतर्फ लागु औषध (गाँजा) लैजादै गरेको भन्ने विशेष सूचनाको आधारमा जिल्ला प्रहरी कार्यालय धनुषाका प्रहरी निरीक्षक संजीप कुमार यादवको कमाण्डमा गएको टोली र प्रहरी चौकी लक्ष्मिनियाको टोलीले उक्त परिमाणको गाँजासहित पक्राउ गरेको हो ।

ढल्केबरतर्फबाट जनकपुरतर्फ आउदै गरेको मधेश प्रदेश–०३–००२ ख २५२० नम्बरको निलो रंगको आयसर मिनि ट्रकलाई धनुषाको लक्ष्मीनिया गाउँपालिका वडा नं. ७ लक्ष्मिनिया चौकस्थित ढल्केबर–जनकपुर सडकखण्डमा रोकी चेकजाँच गर्ने क्रममा भेटिएको हो ।

मिनिट्रकको माथिल्लो भागमा डोरी बाधी सोहि डोरी माथी रातो प्लास्टिक भित्र खैरो डोरीले बाधी लुकाई छिपाई राखी ल्याउदै गरेको अबैध लागुऔषध गाजाँ ३४ पोका गरी जम्मा ५१० किलो पक्राउ गरिएको धनुषा प्रहरी प्रवक्ता डीएसपी वरुण बहादुर सिंहले जानकारी दिए ।

धनुषा प्रहरी प्रवक्ता डीएसपी सिंहका अनुसार बरामद गरिएको गाँजा, ट्रक, र पक्राउ परेकालाई जिल्ला प्रहरी कार्यालयमा राखेर थप अनुसन्धान भइरहेको छ ।

सम्बन्धित

जनकपुर न्युरो हस्पिटलमा बस व्यवसायीहरूद्वारा तोडफोड

मधेशका मुख्यमन्त्री सिंहद्वारा जलाद खोलाको अनुगमन, ६ टिपर र २ लोडर नियन्त्रणमा

मधेशका मुख्यमन्त्रीको आश्वासन पछि छात्रवृत्ति करार सेवाका चिकित्सकहरूको आन्दोलन स्थगित

थाइल्याण्डमा मोदीसँगको भेटपछि ओलीले भने – वार्ता सार्थक र सकारात्मक रह्यो

प्रधानमन्त्री ओलीसँगको भेटबारे भारतीय प्रधानमन्त्री मोदीले के लेखे सामाजिक सञ्जालमा??

सिरहाको बरियारपट्टीमा पत्रकार यादवमाथि आक्रमण

जनकपुरधाम : राराब कलेजका प्रमुख कर्णलाई कालोमोसो

वीरगन्जमा खैरो हिरोईन२२० ग्राम सहित ४जना पक्राउ