चेन्नई । दुई देब्रेहाते बलर नूर अहमद र खलिल अहमदको उत्कृष्ट बलिङमा चेन्नई सुपर किंग्सले इन्डियन प्रिमियर लिग क्रिकेटमा आइतबार मुम्बई इन्डियन्सलाई ४ विकेटले पराजित गर्‍यो । अफगानिस्तानका स्पिनर अहमदले ४ र तीव्र बलर अहमदले ३ विकेट लिएपछि मुम्बईले ९ विकेट गुमाई १ सय ५५ रनमात्र बनाउन सकेको थियो ।

तल्लोक्रममा दीपक चाहारले १५ बलमा समान २ चौका र छक्कासहित २८ रन बनाएपछि मात्र मुम्बईको स्कोर हेर्न लायक बन्यो । खलिलले खेलको चौथो बलमा रोहित शर्मालाई शून्यमा आउट गरी चेन्नईलाई सनसनी सुरुआत दिलाए ।

रायन रिकेल्टन १३ र विल ज्याक्स ११ रनमा आउट भएपछि मुम्बई पाँचौं ओभरमा ३६–३ को स्थितिमा पुगेको थियो । कप्तान सूर्यकुमार यादव २६ बलमा २९, तिलक बर्मा २५ बलमा ३१, रोबिन मिन्ज ३, नमन धिर १७ र मिचेल सान्टनर ११ रनमा आउट भए । अहमदले ४ ओभरमा १८ र खलिलले ४ ओभरमा २९ रन खर्चे । नथान इलिस र रविचन्द्रन अश्विनले १–१ विकेट लिए ।

ओपनर रचिन रवीन्द्र र कप्तान रुतुराज गायकवडले अर्धशतक रन बनाएपछि चेन्नईले ५ बल अगाडि नै १ सय ५८ रन बनायो । अन्तिम ओभरमा विजयका लागि ४ रन चाहिने अवस्थामा रवीन्द्रले सान्टनरको बलमा छक्का प्रहार गरेका थिए । जिम्मेवारी इनिङ्स खेलेका उनले ४५ बल खेलि २ चौका र ४ छक्कासहित अविजित ६५ रन बनाए ।

गायकवडले २६ बल खेलि ६ चौका र ३ छक्कासहित ५३ रन बनाए । राहुल त्रिपाठी २ रनमै आउट भए पनि गायकवड र रवीन्द्रले ३७ बलमा ६७ रन जोडे । भिग्नेस पुठुरले गायकवडसहित शिवम दुबे (९) र दीपक हुडा (३) लाई आउट गरी मुम्बईलाई खेलमा फर्काउने प्रयास गरे । साम करन ४ रनमा बोल्ड भए । रवीन्द्र जडेजा १७ रनमा रनआउट भए ।

सम्बन्धित

जनकपुर न्युरो हस्पिटलमा बस व्यवसायीहरूद्वारा तोडफोड

मधेशका मुख्यमन्त्री सिंहद्वारा जलाद खोलाको अनुगमन, ६ टिपर र २ लोडर नियन्त्रणमा

मधेशका मुख्यमन्त्रीको आश्वासन पछि छात्रवृत्ति करार सेवाका चिकित्सकहरूको आन्दोलन स्थगित

थाइल्याण्डमा मोदीसँगको भेटपछि ओलीले भने – वार्ता सार्थक र सकारात्मक रह्यो

प्रधानमन्त्री ओलीसँगको भेटबारे भारतीय प्रधानमन्त्री मोदीले के लेखे सामाजिक सञ्जालमा??

सिरहाको बरियारपट्टीमा पत्रकार यादवमाथि आक्रमण

जनकपुरधाम : राराब कलेजका प्रमुख कर्णलाई कालोमोसो

वीरगन्जमा खैरो हिरोईन२२० ग्राम सहित ४जना पक्राउ