2025-04-04
Close
2025-04-04
अप्पन जनकपुर
जनकपुरधाम । धनुषाको विदेह नगरपालिका वडा नं. ६ तिनकौरिया चोकस्थित श्री जनता नमूना प्राविधिक माध्यमिक विद्यालयका गिद्धा बेलापट्टीका प्रधानाध्यापक पवन कुमार मण्डलले बालबालिकाहरुको समान्य घटनालाई केही व्यक्तिले समाजिक संजालमा गलत प्रचार प्रसार बाजी गरिएको बताएका छन् ।
गत चैत्त ८ गते श्री जनता नमूना मावि गिद्धा-बेलापट्टीका एक बालकले अर्का बालकमाथि डब्बल धारको कम्पास प्रहार गरेको बताउँदै मिडियाहरुमा छुरा प्रहार भनेर भ्रामक सूचना प्रवाह भएकोप्रति खेद प्रकट गरे ।
प्रधानाध्यापक मण्डलले कक्षा ५ मा पढने बालकले अर्का बालकलाई मजाक मजाकमा कम्पास चलाउँदा घाईते भएको स्वीकार गर्दै यसलाई समाजिक संजालमा अतिरञ्जित गरिएकोप्रति दुःख व्यक्त गरे । उनले विद्यालयको हित नचाहने केही तत्वहरुले समाजिक संजालमा भ्रामक सूचना प्रवाह गरेको बताए ।
प्रहरी कार्यालय तिनकौरियाले समेत बालकमाथि छुरा प्रहार नभएको बताएका छन् । प्रहरी चौकी सईले विद्यार्थीले कम्पास प्रहार गरेको बताए । उनले कम्पास प्रहार गरेका बालकको साथबाट कम्पास बरामद भएको बताए ।
विद्यालयको उन्नति प्रगति प्रति हामी सधै तत्पर छौं विगतका दिन पनि गरेको अहिले पनि प्रगति हुँदैछ र आउने दिन छन् बढी प्रगति हुनेछ छ भने अठोट राखेका छौ ।
