विपिन यादव
जनकपुरधाम । जिल्ला प्रहरी कार्यालय धनुषामा कार्यरत प्रहरी हवल्दार सुरेन्द्र ठाकुर हजामलाई यस महिनाको उत्कृष्ट प्रहरी घोषणा गरिएको छ । जिल्ला प्रहरी कार्यालय पर्सा बिरगंजमा दरबन्दी रहेको प्रहरी हवल्दार ठाकुर अहिले जिल्ला प्रहरी कार्यालय धनुषा सूचना संकलन शाखामा कार्यरत छन् ।
उनलाई दिइएको जिम्मेवारी कुशलतापूर्वक सम्पन्न गरेकोले २०८१ फाल्गुन महिनाको (Police Of The Month) उत्कृष्ट प्रहरी घोषणा गरिएको हो । प्रहरी हवल्दार ठाकुरलाई जिल्ला प्रहरी कार्यालय धनुषाका प्रहरी उपरीक्षक भुवनेश्वर तिवारीले कदर पत्र समेत प्रदान गरेका छन् । प्रहरी हवल्दार ठाकुरलाई फाल्गुन महिनाको उत्कृष्ट प्रहरीको रुपमा कदर पत्र प्रदान गरिएको जिल्ला प्रहरी कार्यालय धनुषाले जनाएको छ ।

प्रहरी हवल्दार ठाकुर सूचना संकलन र नियन्त्रणको क्षेत्रमा फाल्गुन महिनाभरीमा उत्कृष्ट भूमिका खेलेको छ ।

• गत फाल्गुन २२ गते जनकपुरधाम उप-महानगर पालिका वडा नं.१२ एअरपोर्ट मोडमा जिल्ला धनुषा जनकपुरधाम उप-महानगर पालिका वडा नं.१ मिल्स एरिया बस्ने बर्ष ३१ को जितेन्द्र साह साथबाट लागू औषध खैरो हिरोईन (ब्राउन सुगर) ३.१ ग्राम सहित पक्राउ गर्न सफल भएको             • गत फाल्गुन २६ गते १८:३० बाजेको समयमा जिल्ला धनुषा जनकपुरधाम उपमहानगरपालिका वडा नं.२ कदम चोकमा बिशेष सूचनाको आधारमा मधेस प्रदेश ०२-००७ प ८०७७ नम्बरको मोटरसाइकललाई रोकि चेकजाँच गर्ने क्रममा जिल्ला सर्लाही ब्रहमपुरी गाउँपालिका वडा नं.२ ब्रहमपुरी टोल बस्ने देवानन्द साहको छोरा बर्ष १९ को शिवम कुमार साहले बोकेको झोला भित्र श्रोत नखुलेको हुण्डी रकम रु. ८६८००० रकमसहित जिल्ला महोत्तरी एकडारा गाउँपालिका वडा नं.६ बस्ने बर्ष २४ को सुरज मण्डल र बस्ने निजको भई बर्ष २१ को दिपक कुमार मण्डल, जिल्ला सर्लाही ब्रहमपुरी बस्ने बर्ष १८ को अरुण कुमार साह र जिल्ला धनुषा जनकपुरधाम वडा नं.१२ कुवारामपुर बस्ने बर्ष ३३ को गोविन्द कुमार खत्वे समेतलाई हुण्डी कारोबार गर्ने हरुलाई पक्राउ गर्न सफल भएको             • गत चैत ८ गते १९:०० बाजेको समयमा जिल्ला धनुषा लक्ष्मीनिया गाउँपालिका वडा नं.७ लक्ष्मीनिया चोकस्थित जनकपुर-ढल्केबर सडक खण्डमा विशेष सूचनाको आधारमा दल्केबरबाट जनकपुर तर्फ आई पुनः ढल्केबर तर्फ जादै गरेको मधेस प्रदेश ०३-००२ ख २५२० नम्बरको मिनि ट्रकमा ३४ वटा पोका लागु औषध गाँजा सहित मिनि ट्रक र चलाक जिल्ला मकवानपुर पालुङ नगरपालिका वडा नं.२ फाँट बजार बस्ने बर्ष २४ को संजिब सिङताङलाई पक्राउ गर्न सफल भएको भन्दै उनलाई जिल्ला प्रहरी कार्यालय धनुषाले फाल्गुन महिनाको उत्कृष्ट प्रहरी घोषित गरेको हो ।

सम्बन्धित

सशस्त्र प्रहरी गुल्म वीरगन्जद्वारा लागूऔषध सहित युवक पक्राउ 

भारतको रक्सौलबाट आलुको बोरामा लुकाएर लागू औषधको तस्करी, एक बालक पक्राउ

जनकपुरधामसहित मिथिलाञ्चल क्षेत्रमा आज चैती छठ मनाइँदै

ऐतिहासिक सम्पत्तिको रक्षा कसको जिम्मेवारी??

जानकी मन्दिर परिसरमा धार्मिक बोर्ड हटाएर भारतीय कलेज र युनिभर्सिटीको बोर्ड

मधेश प्रदेश : स्वास्थ्य कर्मचारीको पदस्थापनमा सकस

सशस्त्र प्रहरी अलौ गुल्मद्वारा ४ लाँखको अवैध कपडा बरामद

जनकपुरधाममा नेकपा एमालेको गणतन्त्र जागरण जुलुस (फोटोफिचर)