2025-04-04
Close
2025-04-04
जनकपुरधाम । जनकपुराधामसहित मिथिलाञ्चल क्षेत्रमा आज चैती छठ पर्व मनाइँदै छ । चार दिनसम्म नियम निष्ठापूर्वक मनाइने चैती छठको मुलविधि आज अस्ताउँदो सूर्यलाई सन्ध्या अघ्र्य दिने प्रचलन छ । पर्वको पहिलो दिन नुहाइ चोखो खाना खाएर पर्व सुरु गरिन्छ । अस्ताउँदो सूर्यलाई सन्ध्या अर्घ्य दिँदै भोलि बिहान उदाउँदो सूर्यको अर्घ्य दिएपछि सम्पन्न हुनेछ ।
बुधबार चैत शुक्ल चौथी (चतुर्थी) का दिन ‘नहाय–खाय’ (पवित्र स्नान गरेर शुद्ध खाने) विधिबाट पर्व प्रारम्भ गरेका बर्तालुले बुधबार पञ्चमी तिथिमा ‘खरना’ विधि सम्पन्न गरिसकेका छन् ।
जनकपुरधामको गंगासागर, अंगराजसर सागर, धनुषसागर लगायत विभिन्न जलासयहरुमा छठ पर्व मनाउने व्रतालु महिलाहरुको भिड लाग्ने गर्दछ ।
धार्मिक मान्यता अनुसार चैती छठ पर्व गर्नाले सोचेको मनोकामना पूरा हुने शरीरमा हुने चर्म रोग निको हुने, सन्तान प्राप्त हुने विश्वास रहेको छ ।
