जनकपुरधाम । वन नियमावलीअनुसार वन क्षेत्रको प्रारम्भिक वातावरणीय परीक्षण प्रतिवेदन प्रदेशको वन तथा वातावरण मन्त्रालयले स्वीकृत गर्छ । त्यसपछि सम्बन्धित जिल्लाको डिभिजन वन कार्यालयले सहमति दिएपछि मात्र स्थानीय तहले ढुंगा, गिट्टी र बालुवाको उत्खनन् गर्न ठेक्का लगाउने अनुमति पाउँछ ।

तर मिथिला नगरपालिकाले वन क्षेत्रमा पर्ने खोलामा आफैंले वातावरणीय अध्ययन प्रतिवेदन स्वीकृत गरी उत्खनन् ठेक्का लगाएको खुलेको छ । मधेशका मुख्यमन्त्री सतिशकुमार सिंहले जलाद खोलामा भइरहेको ढुंगा, गिट्टी र बालुवा उत्खनन्को अनुगमन गरेपछि मापदण्डविपरीत उत्खनन् भइरहेको खुलेको हो ।

मुख्यमन्त्री सिंहको निर्देशनमा खोलाको उत्खनन् गरिरहेका ६ टिपर र दुइटा लोडर प्रहरीले नियन्त्रणमा लिएको छ । टिपर र लोडर आवश्यक कारबाहीका लागि इलाका प्रहरी कार्यालय ढल्केवरको जिम्मा लगाइएको मुख्यमन्त्रीका प्रेस सल्लाहकार अनिल कुमार कर्णले जानकारी दिए ।

मुख्यमन्त्री सिंह अनुगमनमा पुग्दा ठेकेदार र उत्खनन गर्न खटेका कर्मचारीहरुको भागाभाग मच्चिएको थियो । मुख्यमन्त्री सिंहले ठेकेदारलाई आवश्यक कागजातसहित मुख्यमन्त्री तथा मन्त्रिपरिषद्को कार्यालय आउन निर्देशन दिएका छन् ।

सम्बन्धित

ईप्रका अमलेखगंजद्वारा लागूऔषध चरेश सहित थिङ पक्राउ

प्रधानमन्त्री केपी ओली सिरहा आउँदै

जनकपुर न्यूरो हस्पिटल तोडफोड गरेपछि, न्यायकालागि कानुनी बाटो अपनाउँछौं : डा. विजय राउत

धनुषामा भालुको आक्रमणबाट एकजना गम्भिर घाईते, काठमाडौं रिफर

जनकपुर न्युरो हस्पिटलमा बस व्यवसायीहरूद्वारा तोडफोड

मधेशका मुख्यमन्त्रीको आश्वासन पछि छात्रवृत्ति करार सेवाका चिकित्सकहरूको आन्दोलन स्थगित

थाइल्याण्डमा मोदीसँगको भेटपछि ओलीले भने – वार्ता सार्थक र सकारात्मक रह्यो

प्रधानमन्त्री ओलीसँगको भेटबारे भारतीय प्रधानमन्त्री मोदीले के लेखे सामाजिक सञ्जालमा??