जनकपुरधाम । धनुषामा भालुले आक्रमण गर्दा एकजना व्यक्ति गम्भिर घाईते भएका छन् ।
धनुषाको मिथिला नगरपालिका वडा नम्बर ११ बिमिरेमा आज बिहान घाँस काट्न गएका एकजना व्यक्तिलाई भालुले आक्रमण गर्दा गम्भीर घाईते भएका छन् ।
महोत्तरीको बर्दिबास नगरपालिका वडा नम्बर ३ पाटुका ५५ वर्षीय जिस्नु दुलाललाई भालुले आक्रमण गरी घाईते बनाएको हो ।
भालुको आक्रमणमा परि गम्भीर घाईते भएका दुलाललाई स्थानीयहरूले तुरुन्तै उद्धार गरी जनसेवा अस्पताल बर्दिबासमा लगेको थियो । दुलाललाई प्राथमिक उपचारपछि काठमाडौं ट्रमा सेन्टर रेफर गरिएको छ । उनको अनुहारमा अत्याधिक घाउ देखिएको छ ।
घटनापछि वन क्षेत्रमा जाने व्यक्तिहरूलाई अत्यधिक सतर्कता अपनाउन स्थानीय प्रशासन तथा वन कार्यालयले आग्रह गरेको छ ।