काठमाडौं । भारतमा जारी इन्डियन प्रिमियर लिग आईपीएल क्रिकेटमा रोयल च्यालेन्जर्स बेंगलुरुले तेस्रो जित निकालेको छ । सोमबार मुम्बई इन्डियन्सलाई १२ रनले हराउँदै बेंगलुरुले तेस्रो जित निकालेको हो ।

बेंगलुरुले दिएको २२२ रनको बलियो लक्ष्य पछ्याएको मुम्बईले २० ओभरमा ९ विकेट गुमाएर २०९ रन मात्र बनायो । तिलक वर्माले २९ बलमा ५६ तथा कप्तान हार्दिक पान्ड्याले १५ बलमा ४२ रनको आक्रामक पारी खेल्दै शानदार साझेदारी बनाएपनि पर्याप्त हुन सकेन ।

१२औं ओभरमा ९९-४ को अवस्थामा रहेको मुम्बईका लागि तिलक र हार्दिक मिलेर पाँचौं विकेटका लागि ८९ रनको साझेदारी गरेका थिए । अन्तिम २ ओभरमा २८ रन आवश्यक रहँदा हार्दिक क्याचआउट भए भने त्यसपछि अन्तिम ओभरमा २० रन आवश्यक रहँदा बलिङमा आएका क्रुनालले त्यस ओभरमा ३ विकेट लिँदै जित पक्का गरे ।

बेंगलुरुका लागि क्रुनालले ४ ओभरमा ४५ रन दिएर ४ विकेट लिए । जोश हेजलवूड र यश दयालले २-२ तथा भुवनेश्वर कुमारले १ विकेट लिए ।

त्यसअघि टस हारेर पहिले ब्याटिङको निम्तो पाएको बेंगलुरुले २० ओभरमा ५ विकेट गुमाएर २२१ रन बनाएको थियो । विराट कोहलीले ६७ तथा कप्तान रजत पाटिदारले ६४ रन बनाएका थिए ।

आक्रामक ब्याटिङ गर्दै १९ बलमा ४० रन बनाएका जितेश शर्मा नटआउट रहे । देवदत पडिक्कलले ३७ रन बनाए । मुम्बईका कप्तान हार्दिक पान्ड्या र ट्रेन्ट बोल्टले २-२ विकेट लिँदा विग्नेश पुथुरले १ विकेट लिए ।

यस जितसँगै ४ खेलमा ६ अंक जोडेको बेंगलुरु अंकतालिकामा तेस्रो स्थानमा रहेको छ भने ५ खेलमा २ अंक मात्र रहेको मुम्बई आठौं स्थानमा छ ।

सम्बन्धित

पूर्व सांसद प्रमोद साह माओवादीको केन्द्रीय सदस्यमा मनोनित

धनुषा : विदेह नगरपालिकाको ९ औं नगर सभा (हिउँदो अधिवेशन) सम्पन्न

सशस्त्र प्रहरीद्वारा वीरगञ्जमा ३५ लाखको अबैध कपडा नियन्त्रणमा, सेटिङ नमिल्दा भन्सार दाखिला

एनएमसी कलेज र कर्मचारी संचय कोषका बीच सम्झौता

जनकपुर प्रादेशिक अस्पतालका बेडहरूमा हुँदैन तन्ना, नाङ्गो बेडमै बिरामी सुत्न बाध्य (फोटोफिचर)

धनौजीमा गाउँपालिकामा पुनः स्थापना भयो प्रहरी चौकी

प्रदेश मन्त्री जयसवालको पहलमा लमरिया निर्माण हुन लागेको सडक तथा नालाको शिलान्यास  

आईपीएलमा गुजरात टाइटन्सको लगातार तेस्रो जित, सनराइजर्स हैदराबादको लगातार चौथो हार