2025-04-17
Close
2025-04-17
अप्पन जनकपुर
जनकपुरधाम । प्रधानमन्त्री केपी शर्मा ओलीले नेपालको आफ्ना दुबै छिमेकी राष्ट्रसँगको सम्बन्ध राम्रो रहेको बताएका छन् ।
मधेस प्रदेश सभालाई मंगलवार सम्बोधन गर्दै प्रधानमन्त्री ओलीले भने, छिमेकीहरुबीच कहिलेकाहीँ कुरा नमिल्ने हुने गर्छ । तर, त्यसको अर्थ यो पक्कै पनि होइन की सम्बन्ध नै बिग्रियो भनेर हल्ला फैलाइदिने । र, भ्रमको खेती गर्ने ।
कुनै छिमेकीलाई केही कुरामा चित्त नबुझ्न सक्छ भन्दैमा सम्बन्ध नै बिग्रियो भनेर भ्रमको खेती गर्ने काम गर्न नहुने उनले बताए ।
उनले केही कुरामा मन मिलेन छिमेकीबीच भने छलफल र संवाद गर्नुपर्ने आवश्यकता हुने गरेको भन्दै नेपालको आफ्ना दुबै छिमेकी मुलुकसँगको सम्बन्ध सँधै राम्रो भएको बताए ।
उनले नेपालको सम्बन्ध कहिल्यै पनि आफ्ना छिमेकी मुलुकसँग बिग्रिन नसक्ने र कसैले बिगार्न पनि नसक्ने बताए ।
