2025-04-17
Close
2025-04-17
वीरगञ्ज,२७ चैत्र । सशस्त्र प्रहरी बल नेपाल पर्साले ४ दिन अघि समाएको पिकअप सहितको कपडा तस्करीमा पर्साका नामुद तस्करहरुको संल्गन्ता देखिएको सशस्त्र प्रहरी स्रोतले जनाएको छ । फिल्मि शैलीमा पछयाएर गएको आईतबार भन्सार छलीका कपडा सहितको पिकअप बेवारिसे अवस्थामा बरामद गरेको सशस्त्र प्रहरीले व्यक्तीको संल्गन्ता बारे खुलेर भन्न सकेको छैन यधपी बरामद भएको तस्करीको कपडा वीरगञ्ज १६ ईनर्वा निवासी बैला उनका साईलेन्ट पार्टनर ट्रान्सपोर्ट एसोशिएसन पर्साका पुर्व अध्यक्ष बालकृष्ण पोखरेलको समेत संल्गन्ता रहेको सशस्त्र प्रहरी स्रोतको दावी छ । विगतमा पनि पटक पटक विवादमा मुछिएका बैला समुहले कहिले सशस्त्र प्रहरीलाई पिटेर त कहिले पत्रकारलाई पिटेर मुद्धा मामिला खेपेको जगजाहेर जस्तै छ । यता ट्रान्सपोर्ट एसोशिएसन पर्साका पुर्व अध्यक्ष बालकृष्ण पोखरेल पनि चोखो छैनन् उनको विगत पनि विवादित नै छ । अहिले पनि पोखरेलमाथी पर्सा जिल्ला अदालतमा ज्यान मार्ने उधोद्यमा मुद्धा दर्ता भई विगत १६ दिन देखी फरार रहेका छन । प्रहरीले उनको खोजी कार्यलार्य तिब्रता दिएको पर्सा प्रहरीले जनाएको छ । पोखरेलले ट्रान्सपोर्ट एसोशिएसनको आडमा अवैध भन्सार छलीका समान ओसार पसार गर्ने बैला जस्तै यहाँका धेरै तस्कर समुहहरु संग साठगाठ गरी ट्रान्सपोर्टको माध्यमले देशका विभिन्न ठाउहरुमा माल समान पठाउने गरेका छन । यी समुहले २०२४ सेप्टेम्बर ७ तारिखमा वीरगञ्जबाट पठाएको लु ३ च ५०९८ नम्बरको पिकअप गाडीलाई बाराको पथ्लैयामा राजश्व अनुशनधान कार्यालय पथ्लैयाले नियन्त्रणमा लिएको थियो । बिलविजक गडबड भेटिएपछि पक्राउ परेको उक्त गाडी बाट भन्सार छलीका लाखौ रुपैयाको समान बरामद भएपछि राजश्व अनुशनधानले यी समुहलाई १८ लाख रुपैया जरिवाना गरेको थियो । अहिले पनि सशस्त्र प्रहरीले पक्राउ गरेको १० औँ लाख मुल्य भन्दा बढीको भन्सार छलीका कपडा यी समुहकै भएको लगभग क्लीयर नै छ । सम्बन्धीत निकायले सुक्ष्म अनुशनधान गर्ने हो भने यी समुहको पहिचान गरि राज्यको लाखौ राजश्व चोरी गर्नेहरुलाई कार्यवाहीको दायरामा लयाउन सकिन्थ्यो ।
