2025-04-12
Close
2025-04-12
अप्पन जनकपुर
काठमाडौं । आईपीएल २०२५ को बाँकी सिजनका लागि चेन्नई सुपर किङ्सको कप्तानी फेरि महेन्द्र सिंह धोनीले सम्हाल्ने भएका छन् । कप्तान ऋतुराज गायकवाड घाइते भएपछि धोनीले फेरि नेतृत्व गर्ने जिम्मेवारी पाएका हुन् ।
गायक्वाड कुहिनोमा चोट लागेर प्रतियोगिताबाट बाहिरिएका हुन् । मार्च ३० मा राजस्थान रोयल्सविरुद्ध गुवाहाटीमा खेल्दा अर्ली शट खेल्ने क्रममा बल मिस गरेपछि बल सिधै अनकभर भएको कुहिनोमा लागेको थियो ।
चोट लागेपनि उनले त्यस खेलमा ब्याटिङ जारी राख्दै ६३ रन जोडेका थिए । त्यसपछि पनि उनले दुई खेल खेले, जहाँ अप्रिल ५ मा दिल्ली क्यापिटल्सविरुद्ध चेन्नईमा ५ रन बनाए भने अप्रिल ८ मा पञ्जाब किंग्सविरुद्ध मुल्लापुरमा मात्र १ रनमा आउट भए ।
गायक्वाड शुक्रबार कोलकाता नाइट राइडर्सविरुद्धको घरेलु खेलअघि अन्तिम घडीमा प्रतियोगिताबाट बाहिरिन बाध्य भए । यो चेन्नईका लागि ठूलो धक्का हो, किनभने टोलीले पहिलो पाँच खेलमध्ये चारमा हार बेहोरेको छ । अहिले अंक तालिकामा चेन्नई नवौं स्थानमा छ, सनराइजर्स हैदराबादभन्दा माथि मात्र ।
अब बाँकी खेलमा धोनीको कप्तानीमा चेन्नई पुनः लयमा फर्कन प्रयास गर्नेछ । ४३ वर्षीय धोनीको कप्तानीमा चेन्नईले पाँचपटक उपाधि जितेको छ ।
