जनकपुरधाम । सेवा सञ्चालन अनुमति नलिएका र मापदण्डअनुसारका भौतिक संरचना, जनशक्ति व्यवस्थापन, उपकरणऔजार, औषधि लगायत व्यवस्थापन नभएका सर्लाहीको बरहथवाका ११ निजी अस्पताललाई मधेस प्रदेशका मुख्यमन्त्री सतिश कुमार सिँहले बन्द गर्ने निर्देशन दिएका छन् ।
बन्द गर्न निर्देशन दिइएका स्वास्थ्यसंस्थामा सङ्कटमोचन हेल्थकेयर प्रालि, सञ्जीवनी हस्पिटल प्रालि, हैपीकेयर मेडिकल प्रालि, सर्लाही गोल्डेन हस्पिटल प्रालि, युनिट हस्पिटल प्रालि, भेनस हेल्थ केयर प्रालि, बरहथवा नवजीवन हस्पिटल प्रालि, हनुमन्त हस्पिटल प्रालि, भुवनेश्वर डेन्टल क्लिनिक, जय माँ हेल्थ केयर र बरहथवा पोलिक्लिनिक छन् ।
बुधबार अबेर साँझ बरहथवास्थित स्वास्थ्य संस्थाहरूको अनुगमनक्रममा सेवा सञ्चालन अनुमति नलिएका, कानुनी प्रावधानविपरीत सेवा सञ्चालन अनुमति लिएका, नवीकरण नगराएका र मापदण्डविपरीत सञ्चालनमा रहेका ती अस्पताललाई बन्द गर्न निर्देशन दिइएको मुख्यमन्त्री सिँहका प्रेस सल्लाहकार अनिलकुमार कर्णले जानकारी दिए ।
बन्द गराइएका स्वास्थ्य संस्थालाई कानुनअुसार सेवा सञ्चालन अनुमति लिई, नवीकरण गराई र मापदण्ड पुर्याई मात्र सञ्चालन गर्न लिखित निर्देशन दिइएको प्रदेश स्वास्थ्य तथा जनसँख्या मन्त्रालयका जस्वास्थ्य अधिकृत सन्तोष ठाकुरले बताए ।
यसअघि मुख्यमन्त्री सिँहले सर्लाहीका मलंगवा, नवलपुर, लालबन्दी, हरिवनलगायतका ठाउँमा स्वास्थ्यसंस्था अनुगमन गरी सेवा सञ्चालन अनुमति नलिएका र मापदण्डविपरीत सञ्चालन भएका अस्पताललाई बन्द गर्ने निर्देशन दिएका थिए ।

सम्बन्धित

आईपीएल : हैदराबादलाई ४ विकेटले हराउँदै मुम्बईको तेस्रो जित

जनकपुरधाम : गंगासागर डीलमा स्व. रामनारायण स्मृति भवन बनाउन गुठीले दियो स्वीकृति

सशस्त्र प्रहरी धनुषाको १८ औँ वार्षिकोत्सवमा जानकी मन्दिर परिसरमा सरसफाइ

आईपीएल २०२५ : सिजनको पहिलो सुपर ओभरमा दिल्लीले राजस्थानलाई हरायो

बाराको यातायात कार्यालयमा अनियमितता : कार्यालय प्रमुख दास धमाधम लाईसेन्स बेच्दै;अख्तियारको ध्यानकर्षण आवशयक

मधेश प्रदेशका पूर्व प्रदेश प्रमुख डा. अहिराजलाई पक्राउ गर्ने प्रहरीको तयारी

आईजीपीलाई गृहमन्त्रीको फोन-सिरहामा महिलाको मृत्यु प्रकरणको छानबिन गर्नू

तराई मधेशमा आज जुडशीतल मनाइँदै, सार्वजनिक बिदा