2024-11-23
Close
2024-11-23
जनकपुरधाम, साउन २५ गते ।
प्रदेश २ सरकारले सडक निर्माण एवं मर्मत सम्भार अवरुद्ध गर्ने व्यक्तिलाई तीन महिनासम्म कैदको व्यवस्था गरेको छ ।
शुक्रबारको प्रदेशसभा बैठकमा प्रादेशिक सडक निर्माण, सम्भार तथा विस्तार गर्ने सम्बन्धमा व्यवस्था गर्न बनेको विधेयक पारित भएको छ । विधेयकमा सडक निर्माण गर्ने क्रममा अरु जग्गा प्रयोग गर्न सक्ने र यस क्रममा हुलहुज्जत र बाधा बिरोध गर्नेलाई तीन महिनासम्म कैद, पाँच हजार रुपैयाँसम्म जरिवाना वा दुबै सजाय हुने व्यवस्था उल्लेख गरिएको छ ।
प्रदेशका भौतिक पूर्वाधार तथा विकास मन्त्री जितेन्द्र सोनलले पेश गरेका विधेयक विशेष समितिमा छलफल भई शुक्रबार पारित भएको हो ।
