2024-11-23
Close
2024-11-23
आत्महत्या गर्नुअघि पूर्व सहकर्मीले नाम लिएपछि पत्रकार रवि लामिछाने पक्राउ !
नुवाकोटका पत्रकार शालिकराम पुडासैनीले आत्महत्या गर्नु पूर्व खिचेको भिडियो सार्वजनिक भएसँगै उनले आराेप लगाएका पत्रकार रवि लामिछाने र युवराज कँडेललाई बिहीबार साँझ प्रहरीले पक्राउ गरेको छ । उनीहरुलाई न्युज २४ को कार्यालयबाट पक्राउ गरेको प्रहरीले जनाएकाे छ ।
प्रहरी स्राेतले भिडियाेमा उल्लेख भएकाे महिलाकाे पनि खाेजी भइरहेकाे जनाएकाे छ । ‘तीन जनालाई नै अनुसन्धानका लागि नियन्त्रणमा लिन्छाैँ,’ स्राेतले भन्याे । पुडासैनीले भिडियाेमा आत्महत्या गर्नु बाध्य हुनुका पछाडि लामिछानेसहित तीन जनाकाे हात रहेकाे बताएका थिए । आत्महत्याका लागि दुरुत्साहन दिनेलाई कानुनले दण्डित मानेकाे छ ।
गत साउन २० गते राति नारायणगढस्थित पोखरा बसपार्क नजिकैकाे होटल कंगारुमा झुण्डिएको अवस्थामा पुडासैनीको शव फेला परेको थियो । उनकाे शव गत साउन २२ गते त्रिभुवन टिचिङ अस्पताल काठमाडौंमा पोष्टमार्टम भएको थियाे ।
