2024-11-22
Close
2024-11-22
मैथिली, मगही र भोजपुरी भाषालाई रेडियो नेपालको केन्द्रिय प्रशारणमै राख्न सचेतक अरगडियाको मांग (भिडियो सहित)
जनकपुरधाम भदौ १ गते । धनुषा निर्वाचन क्षेत्र नं. २ का सांसद तथा समाजवादी पार्टीको प्रमुख सचेतक उमाशंकर अरगडियाले बिगत देखिनै प्रशारण हुँदै आएको मैथिली, मगही, भोजपुरी, अवधि लगायतका भाषाको प्रशारण तथा कार्यक्रम बन्द नगर्न सरकारलाई सुझाव दिएका छन् ।
संघिय गणतन्त्रमा मातृभाषालाई बिकास, संरक्षन गर्नु पर्नेमा सरकारले एक्लौटी रुपमा मैथिली, मगही, भोजपुरी, अवधि लगायतका भाषाको प्रशारण तथा कार्यक्रम रेडियो नेपालबाट बन्द गर्न लागेको टिप्पणी गरे ।
सचेतक अरगडियाले सांसद सभामा मैथिली, मगही, भोजपुरी, अवधि लगायतका भाषा तराई मधेसमा बोलिने प्रमुख भाषा रहेकोले तत्कालै उक्त भाषाको कार्यक्रम तथा सूचना सम्प्रेषण गर्न मांग गरेका छन । बढ्दो प्रबिधिमा मातृभाषालाई संरक्षण गर्न रेडियो नेपालको बिगतको कार्यक्रम निकै प्रभावकारी रहेको बताउंदै सचेतक अरगडियाले रेडियोबाट उक्त भाषालाई केन्द्रिय प्रशारणबाट हटाए दीर्घकालीन असर पर्ने बताए ।
साथै मगही भाषाको बिकास र संरक्षणका निमित्त नयाँ योजना समेत ल्याउन सरकारलाई आग्रह गरेका छन । नेपालमा बोलिने प्रमुख भाषा तथा लोप हुन लागेको भाषा, संस्कृति तथा समुदायलाई राष्ट्रिय कारण गरि सरकार अगाडि बढ्नु पर्छ, सचेतक अरगडियाले भने – “राजतन्त्रमा निकै मह्तव दिईएको समुदाय, भाषा, सस्कृतिलाई संघियतामा पाखा लगाउनु हुदैन ।”
