2024-11-23
Close
2024-11-23
जनकपुरको ट्राफिक ब्यवस्थापनमा उदाहरणीय प्रहरी सहायक निरीक्षक मण्डल
विपिन कुमार यादव , असोज १० जनकपुरधाम । प्रदेश नम्बर २ को प्रस्तावित राजधानी जनकपुरधामको ट्राफिक ब्यवस्थापन निकै चुनौती बन्दै गएको अवस्थामा रेल्वे प्रहरी चौकीमा कार्यरत प्रहरी सहायक निरीक्षक जय प्रकाश मण्डल उदाहरणीय बनेका छन । प्रहरी सहायक निरीक्षक मण्डल नियम बिपरित सवारी चलाउने चालकलाई आफै नियम सम्बन्धमा जनकारी गराई सचेत गराउँदै आएका छन । उनले मोटरसाईकल चालकको हेल्मेटको हुक मात्र लगाउदैन्न, दुर्घटनाबाट हुने सम्भावित घटना प्रती सचेत गराउँछन ।
“जनकपुरको भानु चौक, मिल्सएरिया, रेल्वे स्टेशन, कदम चौक, शिव चौक तथा चुरोट फ्यक्ट्री सहितको सडक खण्डमा विशिष्ट ब्यक्ति र सर्वसाधारणको बढी आवतजावत गर्ने क्षेत्र हो । यो सडक खण्डमा प्रहरी सहायक निरीक्षक मण्डल कमाण्डको ट्राफिक प्रहरी पछिल्लो समय सकृय छन ।” भानु चौकका यूवा रबिन्द्र अरगरिया भन्छन -“ट्राफिक प्रहरीको काम निकै सराहनीय छ । पहिले पहिले मूल सडक नै ढाकिने छिपिने गरि सवारीहरु पर्किँग गर्ने गरेका थिए । प्रहरी सहायक निरीक्षक मण्डल आए पश्चात् यस्तो प्रवृत्ति रोकिएको छ । भानु चौक अहिले ट्राफिक ब्यवस्थापनमा निकै राम्रो भएको छ । ”
जनकपुरको मुट्टु भानु चौक ट्राफिक ब्यवस्थापनमा उदाहरणीय बनाउनमा प्रहरी सहायक निरीक्षक मण्डल दिनरात लागेको यूवा नेता बिनोद रोहिता बताउँछन । प्रहरीको सकृयता र स्थानिय यूवा, व्यापारी, बुद्धिजीवीको सहयोगले प्रहरीलाई ट्राफिक ब्यवस्थापनमा ठूलो सहयोग भेटेको प्रहरी सहायक निरीक्षक मण्डल सुनाउँछन ।
सुरुमा भानु चौक सहित मूख्य बजार भित्र ट्राफिक नियम पालना गराउन निकै अप्ठ्यारो स्थितिको सम्झना गर्दै उनले भने -“बिस्तारै ट्राफिक ब्यवस्थापनलाई ट्रयाकमा ल्याउदैछु । यहांको ट्राफिक ब्यवस्थापन सुदृढ भएपछि स्थानीयवासी सहित सडकमा आवतजावत गर्ने हरेक नगरिकलाई सहज हुन्छ । सवारी दुर्घटना न्यूनीकरण हुन्छ । अकाल मृत्यु बाट सबै जोगिन्छन । व्यापार ब्यबसायी समेत फस्टाउंछ्न ।”
