2024-11-23
Close
2024-11-23
मुख्य समाचार
विपिन कुमार यादव अप्पन जनकपुर ,
जनकपुर विमान स्थल तोडफोड आरोपमा पक्राउ परेका राजपा नेपालका सांसद प्रमोद साह साधारण तारेखमा रिहा भएका छन् । जिल्ला अदालत धनुषाको इजलास नं. ३ का न्यायधिस तेजप्रसाद पौडेलले सांसद साहलाई तारेखमा रिहा गर्न आदेश दिनुभएको हो ।
शुक्रबार जिल्ला अदालतमा थुनछेक बहस भए लगतै साधारण तारेखमा छोड्ने आदेश दिएको हो । गत सोमबार जनकपुर विमान स्थलमा वुद्ध एयरको विमान ढिलो भएको भन्दै काउण्टर तोडफोड गरेपछि सांसद साहलाई मंगलबार काठमाडौं स्थित त्रिभुवन विमान स्थलबाट प्रहरीले पक्राउ गरी जनकपुर ल्याएको थियो ।
बुधबार जिल्ला अदालत धनुषाले उनलाई ४ दिन हिरासतमा राखेर अनुसन्धान गर्न म्याद थप गरेको थियो ।
नागरिक उड्यन प्राधिकरणले सांसद साहमाथि गैर सैनिक हवाई उडान ऐन २०१५ अन्तर्गत तोडफोड मुद्दा जिल्ला प्रहरी कार्यालय धनुषामा दर्ता गराएपछि प्रहरीले उनलाई पक्राउ गरेको थियो ।
