2024-10-30
Close
2024-10-30
जनकपुरधाम,कार्तिक ९ । समाजवादी पार्टीका प्रमुख सचेतक तथा संघीय साँसद उमाशंकर अरगरियाले अन्तराष्ट्रिय जगतमा मधेसी भाषाको ट्रान्सलेटर राख्नुपर्ने धारणा राखेका छन् ।
धनुषाको जनकनन्दिनी गाउपालिका वडा नं. ६ कठालमा समाजवादी पार्टीद्धारा आयोजित दिपावली तथा छठ पर्वको शुभकामना अदानप्रदान कार्यक्रमलाई शुक्रबार सम्बोधन गर्दै उनले यस्तो धारणा राखे । अरगरियाले भने, ‘मातृभाषाको संरक्षण गर्न म सदनमा पनि बारम्बार मैथिली,मगही बोल्छु ।
अब अन्तराष्ट्रिय जगतले पनि बुझन् सकुन भनेर ट्रान्सलेटर राख्न आवश्यक छ ।’ धनुषा क्षेत्र नम्बर २ बाट प्रतिनिधि सभा सदस्य,संघीय साँसदमा निर्वाचित अरगरियले आफ्नो क्षेत्रबासीलाई शुभ दिपावली र छठ पर्वको शुभकामना समेत दिए ।
कार्यक्रममा प्रमुख अतिथि प्रतिनिधि सभा सदस्य उमाशंकर अरगरिया विशिष्ट अतिथी समाजवादी पार्टी प्रदेश २ का प्रदेश सभा सदस्य सांसद शैलेन्द्र यादव, अतिथीमा पार्टीका केन्द्रिय सदस्य अरुण सिंह मण्डललगायतले शुभकामना मन्तव्य राखेका थिए ।
यस्तै कार्यक्रममासमाजवादी पार्टी कमला नगरपालिकाको नगर अध्यक्ष मनिकलाल मण्डल , मो.अब्दुल शेख, विजय पासमान, युवा नेता प्रमोद कुमार अधिकारी , उमेश कुमार यादव, जनकन्दिनी गाउपालिका १ का निर्वाचित वडा अध्यक्ष धर्मेन्द्र गोइत, वडा ६ का वडाध्यक्ष विक्रम यादव वडा नं.५ का वडा अध्यक्ष अशोक कुमार मण्डलले पनि शुभकामना मन्तव्य राखेको थियो ।
समाजवादी पार्टीका जनकनन्दिनी गाउँपालिका धनुषाको अध्यक्ष राधेश्याम यादवको अध्यक्षतामा जिबछ पगहिया लगायतका नेताकार्यकर्ता हरुको उपस्थितिमा शुभकामना अदानप्रदान कार्यक्रम सम्पन्न भएको छ ।
