राष्ट्रिय जनता पार्टीका केन्द्रिय सदस्य संजय कुमार चौधरीले नेपाल भारतका सीमा क्षेत्रका नागरिक बिच सम्बन्ध राम्रो रहेकाले यो केहि शासक वर्गलाई नपचेको र यसका विरुद्धमा सीमा विवाद देखाई तारजाली लगाउने षडयन्त्र भईरहेको बताउनु भयो । पहाड र मधेशका जनतालाई एकताको सुत्रमा बाँध्नमा असरफल हुदै आएको शासक वर्गले मधेशी माथि तमन गर्न गुरगामी सोचका साथ भारत संगको सिमानालाई सील गरी मधेशीलाई कमजोर बनाउन षडयन्त्र गरिरहेको बताउनु भयो।
उहाँले सीमा समस्या दुबै देशका सरकार बिच कुटनैतिक सम्बन्धका आधारमा समाधान गर्नुपर्ने बताउदै अहिले नियोजित तरिकाले मधेश विरुद्ध अभियान संचालन भएको बताउनु भयो । सीमित शासक वर्गको कारण नेपाली जनतालाई अमन चैन हुन नदिनको लागि भारत संग सम्बन्ध विगारेर सीमा क्षेत्रमा रहेका मधेशी जनतालाई दुःख दिन नियोजित घटना भएको संज्ञा दिएको छ । नेपालका सीमाबिदहरुले पटक पटक तारजाली लगाउनु पर्ने तर्क दिदै आएको कुरा समाचारमा आउने गरेको छ ।
यसरी सनियोजित तरिकाले मधेश संग सिमा जोडिएको दशगज्जा क्षेत्रमा तारजाली लगाउन नै सिमा विवाद देखाएको छ । विगतमा राजा महेन्द्रले नै गरेको सम्झौता अनुसार नै भारतीय पक्षले नक्सा तयार पारेको समेत भनाई आईरहेको अवस्था छ । उत्तरी क्षेत्रमा चीनले समेत नेपालको भुमी अतिक्रमण गरेको कुरा आएको छ ।
नेपाल भारत बिचको सम्बन्धलाई विगार्न र मधेशी जनता संग भारतको रोटिबेटीको सम्बन्धलाई विगार्न षडयन्त्र गरिरहेको देखिन्छ । चीनका राष्ट्रपति नेपाल आएको बेला अहिलेको कम्युनिष्ट सरकार संग भएको छलफल पछि बर्तमान सरकारको भारत तर्फको झुकानमा कमि आएको देखिन्छ । चीनको ईसारामा नै भारत संग जोडिएको सीमा क्षेत्रमा तनाब उत्पन्न गराई तार जारजाली लगाउन षडयन्त्र भएको हामीले समयमै बुझ्नु पर्छ ।
