मंगलवार विहान जनकपुरधाम उपमहानगरपालिकाको कार्यालयमा भएको भेटवार्तामा जनकपुरधामको विकासको राजदुत बेरीले प्रसंसा गरेका थिए । उनले भने जनकपुरको वारेमा जसरी बाहिर कुरा हुन्छ बास्तवमा त्यस्तो छैन्, यहाँ पर्यटकको सम्भावना अत्यधिक रहेको छ ।
उनले जनकपुरधामको विकासकोलागि अमेरिकी सरकार तत्पर रहेको बताउँदै निकट भविष्यमा अमेरिकी सरकारले जनकपुरधामको विकासमा सहयोग गर्ने प्रतिवद्धता समेत व्यक्त गरेका थिए । उनले यहाँ पर्यटक कसरी भित्र्याउन सकिन्छ त्यस विषयमा खाका तयार गर्न जनकपुरधाम उपमहानगरपालिकाका मेयर लाल किशोर साहलाई आग्रह गरेका थिए ।
उनले विकास निर्माण देखि लिएर पर्यटनको सम्भावना अत्यधिक रहेको जनकपुरधामलाई हरेक दृष्टिकोणले अमेरीकि सरकार सहयोग गर्न तयार रहेको बताएका थिए । उनले जनकपुरधाममा स्टार होटलहरु कसरी संचालन गर्न सकिन्छ त्यस विषयमा होटल व्यवसायीहरु संग छलफल गरेर यहाँ स्टार होटलहरु पनि सञ्चालन तिर ध्यान दिन मेयर साहलाई आग्रह गरेका थिए ।
राजदुत वेरीले मेयर साहसंग संघियता, धर्मनिरपेक्षता, पर्यटनलागयतका विषयमा छलफल गरेका थिए । मेयर साहले संक्रमणकालमा संघीयता रहेको वताउँदै उनले अहिले हामी संघीयताको अभ्यासमा रहेको बताएका थिए ।
उनले संघीयता आएपनि यहाँ हुनु पर्ने भौतिक पूर्वाधार देखि लिएर कर्मचारी सम्मको समस्या भएपनि हामी अभ्यासमा रहेकाले नआतेको र रहेको जनशक्तिलाई कसरी सदुपयोग गर्न सक्छौ भने अभ्यासमै रहेको बताएका थिए । उनले युवा शक्तिको विकासमा अमेरिकी सरकार कसरी सहयोग गर्न सक्छ तथा अमेरिकामा युथ लिडर शिप हुने कार्यक्रममा जनकपुरधामका युवाहरुलाई पनि सहभागी गराउन आग्रह गरेका थिए ।
उनले अमेरिकामा आफु मिथिला दिवस मनाउन योजना बनाएको र यसमा अमेरिकी सरकारको सहयोगको अपेक्षा गरेको बताएका थिए । कार्यक्रममा सुमित सविता शेखरले खिचेको तस्विर मायाको चिनोको रुपमा प्रदान गरिएको थियो । कार्यक्रममा उपमेयर रीता झा, प्रमुख प्रशासकीय अधिकृत धर्मानन्द जोशी लगायतको उपस्थिति रहेको थियो ।
