2024-11-25
Close
2024-11-25
प्रमुख समाचार
जनकपुर- धनुषा क्षेत्र नम्बर २ को सांसद एवम् समाजबादी पार्टीका प्रमुख सचेतक उमाशंकर अरगडियाले सखुवा महेन्द्रनगर बम बिस्फोटमा संलग्नलाई तत्कालै कार्वाही गर्न मांग गरेका छन । बिकासको गतिमा लागेको मधेसलाई अपराधीक गतिविधि गराई मधेसलाई अशान्त बनाउन केही शक्ति लगेको टिप्पणी गर्दै प्रमुख सचेतक अरगडियाले बम बिस्फोट जस्ता जघन्य अपराधमा सक्रियलाई प्रहरीले कानूनी दायरामा ल्याउन आग्रह गरे ।
शुक्रबार राति बम बिस्फोट हुँदा प्रहरी निरीक्षकसहित तीनजनाको मृत्यु भएको छ । मृतकहरु प्रती श्रद्धाञ्जली व्यक्त गर्दै प्रमुख सचेतक अरगडियाले भने – ” प्रदेश २ मा पछिल्लो समय अपराधेक गतिविधि बढेको छ । प्रहरी प्रशासनका उच्छ अधिकारीहरुको निस्कृयताका कारण हातहतियार तथा बम बिस्फोट जस्ता घटना बढेको छ । ”
छिरेश्वरनाथ नगरपालिका–५ महेन्द्रनगर बजार नजिक बम विष्फोट हुँदा प्रहरी निरीक्षक अमिरकुमार दाहाल, स्थानीय बासिन्दा ४५ वर्षीय राजेश साह र उनका २४ वर्षीय छोरा आनन्दको मृत्यु भएको हो। महेन्द्रनगर बजारबाट उत्तरपूर्वतर्फ पर्ने कुचाइ टोलमा राजेश साहको घरबाहिरको पोलमा राखिएको बम शनिबार राति सवा १२ बजेतिर विष्फोट भएको प्रहरीले जनाएको छ।
बम देखेर स्थानीयले नजिकै रहेको इलाका प्रहरी कार्यालयमा खबर गरेपछि प्रहरी निरीक्षक दाहालको कमाण्डमा टोली घटनास्थल पुगेको थियो। प्रहरी पुग्ने वित्तिकै बम बिस्फोट भएको जिल्ला प्रहरी कार्यालय धनुषाका प्रहरी निरीक्षक अवधेशकुमार यादवले जानकारी दिए।
प्रहरी निरीक्षक दाहाल घटना स्थलमा भएको ठाउँको भीड हटाउने क्रममा पुनः बम बिस्फोट हुँदा घाइते भएका थिए। उनको उपचारको क्रममा बिहान करिब साढे ६ बजे मृत्यु भएको प्रहरीले जनाएको छ।
घटनामा घाइते भएकी अञ्जली, प्रकाश र प्रहरी जवान रिजनाथ कुमार महतोको उपचार जारी छ । अञ्जली र प्रकाश राजेशका छोराछोरी हुन्।
